Iste articlo ye sobre una cinta de cine estausunidense de 1948; ta atros usos, se veiga Key Largo.

Key Largo (títol orichinal en anglés, en aragonés Cayo Luengo, estrenada en Aragón con o nombre traduciu enta lo castellano como Cayo Largo) ye una cinta de cine negro dramatico y cine policiaco de gángsters estausunidense de l'anyo 1948 dirichida por John Huston seguntes un guión de Richard Brooks y John Huston basau en una obra teatral de Maxwell Anderson. Producida por Jerry Wald ta la Productora cinematografica Warner Bros., conta con una dirección de fotografía de Karl Freund y una banda sonora orichinal de Max Steiner y en l'elenco d'a cinta partecipan destacaus actors como Humphrey Bogart, Edward G. Robinson, Lauren Bacall, Lionel Barrymore u Claire Trevor, entre d'atros.

Argumento Frank McCloud ye un veterano de l'exercito estausunidense que plega en os Keys de Florida, en un vetusto hotel que chestiona un viello, James Temple, aduyau por Nora, la viuda d'o suyo fillo que heba estau companyero de Frank en l'exercito. Bien luego plega en o mesmo hotel una colla de gángsters dirichida por Johnny Rocco, que ye citau con una atra banda ta los suyos negocios ilegals. Os gángsters toman a Frank, Temple y Nora como rehens y la situación se complica porque s'amana en o lugar un huracán.

Cuan plega l'atra banda, toz éls conoixen que lo sheriff d'o lugar los cosira, pero Rocco li diz a lo sheriff adchunto, Rodney, que él no ye so que un turista que ha plegau en o lugar nomás que ta fer pesca esportiva. Rocco y los gángsters quieren apoderar-se'n d'o solo barco d'a isla y fuyir-ie enta l'amanada isla de Cuba, pero ta poder-lo fer lis cal l'aduya d'o comandant McCloud, qui ha de pilotar o barco. Finalment Frank accepta de fer o treballo, encara que en o pasau estió presonero d'a banda de Rocco, qui lo torturó.

Tanimientres, mientres o viache en o barco, Frank consigue matar un a un a toz os gángsters, en deixando a Rocco ta lo zaguero en morir, y torna en o puerto con o barco, a on l'asperan Temple y Nora.

Reparto Key Largo en IMDb. Actor Papel Notas Humphrey Bogart Comandant Frank McCloud Edward G. Robinson Johnny Rocco/Howard Brown Lauren Bacall Nora Temple Lionel Barrymore James Temple Claire Trevor Gaye Dawn Thomas Gomez Richard "Curly" Hoff Harry Lewis Edward "Toots" Bass John Rodney Sheriff Clyde Sawyer Marc Lawrence Ziggy Dan Seymour Angel Garcia Monte Blue Sheriff Ben Wade William Haade Ralph Feeney Jay Silverheels John Osceola No acreditau Rodd Redwing Tom Osceola No acreditau

Premios Premio Calendata Edición Categoría Premiau NotasPremios Oscar 1949 21ena edición Oscar a la Millor Actriz Segundaria Claire Trevor 21ena edición d'os Premios Oscar en a pachina web de l'Academia d'as Artes y as Ciencias Cinematograficas de Hollywood. Premios WGA 1949 1a edición Nominada a lo Premio WGA a lo Millor Guión de Drama Richard Brooks y John Huston American Film Institute Nominada a l'AFI's 10 Top 10 Cinta de gángsters

Se veiga tamién Cine en 1948. Cintas de 1948.

Referencias

Vinclos externos

Key Largo en Internet Movie Database. Key Largo en Rotten Tomatoes. Key Largo en TCM Movie Database. Key Largo en AllMovie. Key Largo en l'American Film Institute Catalog.

Categoría:Cintas con banda sonora orichinal de Max Steiner Categoría:Cintas con dirección de fotografía de Karl Freund Categoría:Cintas con guión de John Huston Categoría:Cintas con guión de Richard Brooks Categoría:Cintas con montache de Rudi Fehr Categoría:Cintas d'Estaus Unius Categoría:Cintas de cine de drama Categoría:Cintas de cine negro Categoría:Cintas de cine policiaco Categoría:Cintas dirichidas por John Huston Categoría:Cintas en anglés Categoría:Cintas interpretadas por Claire Trevor Categoría:Cintas interpretadas por Edward G. Robinson Categoría:Cintas interpretadas por Humphrey Bogart Categoría:Cintas interpretadas por Lauren Bacall Categoría:Cintas interpretadas por Lionel Barrymore Categoría:Cintas producidas por Jerry Wald