La ermita de la Virchen de los Navarros ye una ermita situada en a localidat aragonesa de Fuents Claras. Ye lo prencipal templo catolico de la población, de conchunta con a Ilesia parroquial, y la prencipal devoción local dende tiempos immemorials. «Fuentes Claras. Ermita de la Virgen de los Navarros.» Inventario Artístico de Teruel y su provincia. Servicio de Publicaciones del Ministerio de Educación y Ciencia, 1974. Pach. 218-219
Historia Fue devantada en mampostería en o sieglo XVII a las afueras de lo casco urbano, chunto a o camín reyal, por ixas envueltas la prencipal vía de comunicación que uniba Zaragoza y Teruel. D'una sola nau cubierta con vuelta de meyo canyón con lunetos. Lo suyo capitero ye poligonal y ye aliniada con dos edificios laterals. Tiene decoración d'estucos. La portalada, con arco de meyo punto de rechola baixo una ringlera de esquinillas, ye coronada per la imachen de la virchen en ceramica contemporania. Ermita de la Virgen de los Navarros Xilocapedia
Inicialment se clamó Virchen de lo Camín, en trobar-se la ermita a lo costau de lo camín reyal mencionau; dimpués estió clamada "de la Fuent", ya que regaba l'hortal cercano; y finalment, "de los Navarros".
Sobre lo zaguer cambio de nombre i hai cuantas lechendas populars. Seguntes un, fue debiu a uns navarros que de camín ta Valencia prencipioron una baralla y resultoron ferius, pero estioron aduyaus per la Virchen a recuperar la salut y dotoron a la ermita d'a-saber-las limosnas. Unatra teoría charra d'unatra baralla, tamién de navarros, que gracias a la intercesión de la Virchen se privó la muerte de la filla a mans de su pai. Aragón, Reyno de Christo, y dote de Maria Santissima Roque Alberto Faci. Vol. I, 1739. Pach. 319-321 Novenario para implorar el patrocinio de Maria Santisma, virgen y Madre de Dios, que baxo el titulo de Nra. Sra. de los Navarros se venera en el lugar de Fuentes Claras Joaquín Ibáñez de Jesús María, 1789. Pach. 6-7 Finalment, unatra versión diz que uns navarros furtoron la Virchen de la ermita y fuyioron; cuan ya s'heban aluenyau de lo lugar s'aturoron pa reposar y paroron cuenta que la imachen heba desapareixiu: miraglosament la Virchen se trobaba de nuevo en a ermita. Fuentes Claras. Leyenda sobre la Virgen de los Navarros Inmaculada Carné, Laura Pérez y Luis Pérez. Fondo documental de Somerondón. Asociación Universitaria Aragonesa de Folclore Aragonés, 1994
En 1789 lo relichioso fuentesclarino Joaquín Ibáñez de Jesús y María l'adedicó a la Virchen un novenario y uns goyos de devoción. Novenario para implorar el patrocinio de Maria Santisma, virgen y Madre de Dios, que baxo el titulo de Nra. Sra. de los Navarros se venera en el lugar de Fuentes Claras Joaquín Ibáñez de Jesús María, 1789. Pach. 9-24
Catalogación Se troba inscrita en l'Inventario de lo Patrimonio Cultural Aragonés per lo que seguntes la Lei 3/1999, de 10 de marzo, de lo Patrimonio Cultural Aragonés tiene la protección de Bien inventariau de lo patrimonio cultural aragonés. Ermita de la Virgen de los Navarros Sistema de Información del Patrimonio Cultural Aragonés (SIPCA)
Referencias
Virchen Virchen Virchen Fuents Claras Categoría:Molimentos de Fuents Claras