thumb|Creiximiento d'a población mundial en as zagueras 10.000 anyadas. En demografía, a población mundial ye lo numero total de sers humans que actualment viven. S'estimó que i heba superau los 8.000 millons en noviembre de 2022. Prenió mas de docientos mil anyos de prehistoria y historia humanas pa que la población humana plegase a los mil millons y nomás 219 anyos mas pa creixer dica los 8 mil millons. The human race at 8 billion en axios.com
A población humana ha experimentau un creiximiento contino dende a Gran Fambrera de 1315–1317 y lo final d'a Peste Negra en 1350, cuan yera amán de 370.000.000 de personas. Jean-Noël Biraben (1979)."Essai sur l'évolution du nombre des hommes". Population. Vol. 34 (no. 1). pp. 13–25. As taxas de creiximiento demograficas mas altas, con augmentos de mas d'1,8 % per anyo, ocurrioron entre 1955 y 1975, aconseguindo un maximo de 2,1 % entre 1965 y 1970. A taxa de creiximiento disminuyió a 1,1 % entre 2015 y 2020 y se prochecta que va a declinar encara mas mientres o sieglo XXI. A población mundial sigue augmentando, manimenos existe una incerteza significativa sobre la suya trachectoria a largo plazo a resultas d'os cambios en os indices de fertilidat y mortalidat. O Departamento d'Economía y Afers Socials d'as Nacions Unitas estima entre 9 y 10 mil millons de personas en 2050, y calcula 10-12 mil millons en zaguerías d'o sieglo XXI con una taxa de creiximiento pa alavez de zero. Atros demografos predicen que la población humana prencipiará a declinar per a metat segunda d'o sieglo XXI. Cave, Damien; Bubola, Emma; Sang-Hun, Choe (22 May 2021). "Long Slide Looms for World Population, With Sweeping Ramifications". The New York Times. ISSN 0362-433
O numero total de naixencias en o mundo ye actualment (2015–2020) de 140 millons/anyo, se calcula que alcanzará la cima mientres o periodo 2040–2045 con 141 millons/anyo y dimpués d'ixo declinará china-chana a 126 millons/anyo pa l'anyo 2100. O numero total de muertes ye actualment 57 millons/anyo y s'estima que será de 121 millons/anyo en 2100.
Países mas poblaus thumb|Os 16 países mas poblaus en 2011. China: 1398 millons (arredol d'o 18,2 % d'a población mundial) India: 1392 millons (18,1 %) Estaus Unius: 329 millons (5,1 %) Indonesia: 268 millons (3,7 %) Pakistán: 217 millons (2,8 %) Brasil: 209 millons (2,7 %) Nicheria: 201 millons (2,6 %) Bangladesh: 164 millons (2,1 %) Rusia: 147 millons (1,9 %) Mexico: 127 millons (1,7 %) Chapón: 126 millons (1,7 %) Etiopia: 112 millons (1,5 %) Filipinas: 108 millons (1,4 %) Echipto: 99 millons (1,3 %) Vietnam: 96 millons (1,2 %) Alemanya: 83 millons (1,1 %)
Referencias
Categoría:Demografía