Luis Prendes Estrada, naixiu de Melilla (Espanya) o 22 d'agosto de 1913 y muerto en Madrit (Comunidat de Madrit, Espanya) o 27 d'octubre de 1998, estió un actor espanyol, activo en o mundo d'o teatro y d'o cine espanyols dende meyaus d'os anyos 1930 dica la suya muerte. Actor destacau, estió mientres bellas anyadas protaonista de cuantas cintas d'o cine espanyol. Yera chirmán d'as actrices Mari Carmen y Mercedes Prendes.
Fillo de militar, a suya prmera vocación estió la carrera de militar y principió estudios d'oficial d'a marina mercante, pero bien luego se decantó por o mundo d'os escenarios. Os suyos primers treballos como actor estioron en as companyías teatrals de su chirmana Mercedes, de Carmen Díaz y de Concha Catalá. Tanimientres, no estió dica la fin d'a Guerra civil espanyola que la suya carrera actoral se convertió en important, estando primer actor d'o Teatro María Guerrero de Madrit dica que formó la suya propia companyía. Paralelament, mientres os anyos 1940 y 1950 tenió una prolifica actuación en a pantalla gran, mas que mas en cintas de comedia dirichidas por Ignacio Farrés Iquino, Alejandro Ulloa u José María Forqué. Cuan principio las suyas emisions Televisión Española tamién estió un d'os actors habituals en os espacios adedicaus a lo teatro.
Morió a causa d'un cáncer en Madrit o 27 d'octubre de 1998, y li dioron tierra en o Fosal de l'Almudena d'ixa capital.
Filmografía Luis Prendes en Internet Movie Database. Anyo Títol d'a cinta Papel Director Reparto Atros 1934 '<ref> [ '] en Internet Movie Database.</ref>
Referencias
Vinclos externos Luis Prendes en Internet Movie Database. Luis Prendes en o Diccionario biográfico español d'a Real Academia de la Historia.
Categoría:Actors de Melilla Categoría:Muertos en Madrit Categoría:Muertos por cáncer Categoría:Naixius de Melilla Categoría:1913 (naixencias) Categoría:1998 (muertes)