Iste articlo ye sobre un western estausunidense de l'anyo 1959; ta atros usos, se veiga Warlock.
Warlock (títol orichinal en anglés, Bruixo en aragonés, estrenada en Aragón con o títol en castellano de El Hombre de las pistolas de oro, L'hombre d'as pistolas d'oro en aragonés) ye una cinta de cine estausunidense de l'anyo 1959 de western crepuscular dirichida por Edward Dmytryk seguntes un guión de Robert Alan Aurthur, adaptación d'a novela d'Oakley Hall Warlock, y producida por o mesmo director ta la productora cinematografica 20th Century Fox. Con una Banda Sonora Orichinal de Leigh Harline y una dirección de fotografía de Joseph MacDonald, en l'elenco d'a cinta constan, entre d'atros, actors como Richard Widmark, Henry Fonda, Anthony Quinn, Dorothy Malone u Dolores Michaels.
La cinta se rodó en Utah y s'ambienta en os anyos 1880 en Utah.
Argumento En primerías d'os anyos 1880, Warlock ye una chicota ciudat d'un districto adedicau a la minería en o estau de Utah. A sobén plegan en a ciudat os cowboy que treballan ta Abe McQuown y que bi provocan desastres. Un día cuan plegan escarapellan a lo marshall d'a ciudat y lo fan fuera, asasinando a un d'os habitants d'a ciudat. O Comité de Ciudadans, preocupaus, decide contractar a un conoixiu pistolero, Clay Blaisedell, como nuevo marshall d'a ciudat ta que ponga orden, encara que beluns d'os miembros d'o Comité no en son guaire convencius.
Cuan Blaisedell plega en a ciudat, lo fa acompanyau d'un inseparable amigo, Tom Morgan, un pistolero de dubdosa reputación, chugador y bebedor. Cuan lo Comité li diz que no lis cuaca la suya presencia, Blaisedell afirma que toz dos marchan chuntos en o mesmo paquet. Cuan os cowboy de McQuown plegan en a ciudat, Blaisedell consigue que reblen sin fer servir la violencia, nomás que intimidando-los. Un d'éls, Johnny Gannon, que ye canso d'as actividaz d'a colla, decide deseparar-se y quedar-se en a ciudat.
Bel día Morgan conoix que Lily Dollar, una antiga amant, plega en a ciudat, acompanyada de Bob Nicholson, chirmán de Big Ben Nicholson, a qui feba poquet que Blaisedell heba matau en un incident que Lily sabe que heba estau provocau por Morgan, qui heba empuixau a Big Ben ta que desafiase a Blaisedell. Lily deseya ver muerto a Blaisedell ta que Morgan peluchie. Morgan albandona la ciudat ta trobar-se con Lily antes de que plegue con a dilichencia pero cuan s'amana troba que los hombres de McQuown son robando-la y aproveita ta matar a Big Ben sin ser visto. Lily plega en a ciudat y ye segura de que ye Morgan qui ha matau a Big Ben.
Blaisedell diriche una partida ta capturar a los ladrons y consigue fer-lo sin mas incidents, pero en o chuicio subsiguient Abe McQuown intimida a lo churau y consigue la suya absolución. Johnny Gannon, qui desapreba a Blaisedell en haber iste feito preso a su chirmán que formaba parte d'a banda, solicita convertir-se en aduyant d'o sheriff y lo Comité accepta. Cuan los cowboy, dirichius por o chirmán de Johnny, Billy Gannon, quedan libres buscan a Blaisedell y Morgan. Blaisedell demana aduya a Johnny, pero iste se niega. En a luita posterior, mueren tres cowboy, Billy incluyiu, y la ciudat principia a sentir malestar d'a conducta de Blaisedell y Morgan. Alavez Morgan quiere marchar ta continar fendo las mesmas actividaz en atros lugars, pero Blaisedell s'ha enamorau de Jessie Marlow, una mesacha d'o lugar, y quiere quedar-se y casar-se. D'atra man, Johnny se diriche a charrar con os cowboy ta prebar de quitar mas violencias, pero un d'éls li desferra la man ta que no la pueda fer servir en empunyando un arma. Tanimientres, Johnny decide fer cara a los cowboy y pide l'aduya de Blaisedell, qui accepta. Pero Morgan, en apuntando-lo con un arma, li impide acudir en a suya aduya. Inesperadament, Gannon recibe aduya de bels ciudadans y consigue matar a McQuown, rematando asinas la baralla y convertindo-se en un heroi ta los ciudadans. Morgan no puet acceptar tot ixo y, amás, Lily, la suya antiga novia, siente agora atracción por Gannon. S'amana lo remate final d'o conflicto, con Gannon con una ferida en a suya man.
debant la expectación d'o conchundo d'hanitants d'o lugar, os dos hombres se troban l'uno frent de l'atro. Morgan ye lo mas rapedo y la pistola amanixe cuasi machicament en a suya man pero, en cuentas de disparar-la, decide albandonar lo lugar.
Elenco Warlock en Internet Movie Database. Actor Papel Notas Richard Widmark Johnny Gannon Henry Fonda Clay Blaisedell Anthony Quinn Tom Morgan Dorothy Malone Lily Dollar Dolores Michaels Jessie Marlow Wallace Ford Chuez Holloway Tom Drake Abe McQuown Richard Arlen Bacon DeForest Kelley Curley Burne Regis Toomey Skinner Vaughn Taylor Henry Richardson Don Beddoe Dr. Wagner Whit Bissell Petrix Bartlett Robinson Buck Slavin Robert Adler Foss No acreditau Joel Ashley Murch No acreditau Don "Red" Barry Edward Calhoun No acreditau June Blair Bailarina No acreditada Rudy Bowman Ciudadán No acreditau Wally Campo Barbero No acreditau Harry Carter Cambrero No acreditau Gordon Carveth Ciudadán No acreditau Dick Cherney Ciudadán No acreditau Noble "Kid" Chissell Ciudadán No acreditau Paul Comi Amigo de Luke No acreditau Walter Coy Aduyant d'o sheriff Ray Thomson No acreditau Sheryl Deauville Bailarina No acreditada Ann Doran Mrs. Richardson No acreditada George Ford Ciudadán No acreditau David Garcia George "Pony" Benner No acreditau Frank Gorshin Billy Gannon No acreditau Sol Gorss Bob Nicholson No acreditau Herman Hack Ciudadán No acreditau J. Anthony Hughes Shaw No acreditau Roy Jenson Hasty No acreditau L.Q. Jones Fen Jiggs No acreditau Stan Kamber Hutchinson No acreditau Gustave Lax Cambrero No acreditau Gary Lockwood Miembro d'a banda No acreditau Ian MacDonald MacDonald No acreditau Russ McCubbin Miembro d'a banda No acreditau Robert Osterloh Mayestro No acreditau James Philbrook Jack Cade No acreditau Hugh Sanders Sheriff Keller No acreditau Roy N. Sickner Bush No acreditau Mickey Simpson Fitzsimmons No acreditau Cap Somers Miembro d'a banda No acreditau Bert Stevens Ciudadán No acreditau Jack Tornek Ciudadán No acreditau Joe Turkel Chet Haggin No acreditau Tom Wilson Ciudadán No acreditau Harry Worth Burbage No acreditau
Premios Premio Calendata Edición Categoría Premiau Notas Premios Laurel 1960 Nominau a lo Laurel a lo Millor Actor d'Acción Richard Widmark
Critica En a redacción de Fotogramas comentan: El hombre de las pistolas de oro, en Fotogramas, 29 de mayo de 2008.
En o blog El crítico abúlico analizan asinas a cinta: El hombre de las pistolas de oro en El crítico abúlico.
Se veiga tamién Cine en 1959. Cintas de 1959.
Referencias
Vinclos externos Warlock en Internet Movie Database. / Warlock en FilmAffinity. Warlock en Rotten Tomatoes. Warlock en AllMovie. Warlock en TCM Movie Database. Warlock en Internet Movie Database. Warlock en Internet Movie Database. Warlock en Internet Movie Database. Warlock en Internet Movie Database.
Categoría:Cintas ambientadas en os anyos 1880 Categoría:Cintas ambientadas en Utah Categoría:Cintas con banda sonora orichinal de Leigh Harline Categoría:Cintas con dirección de fotografía de Joseph MacDonald Categoría:Cintas con guión de Robert Alan Aurthur Categoría:Cintas con montache de Jack W. Holmes Categoría:Cintas d'Estaus Unius Categoría:Cintas de western Categoría:Cintas dirichidas por Edward Dmytryk Categoría:Cintas en anglés Categoría:Cintas interpretadas por Anthony Quinn Categoría:Cintas interpretadas por Dolores Michaels Categoría:Cintas interpretadas por Dorothy Malone Categoría:Cintas interpretadas por Henry Fonda Categoría:Cintas interpretadas por Richard Widmark Categoría:Cintas producidas por Edward Dmytryk Categoría:Cintas rodadas en Utah