Akim Mikhailovich Tamiroff (nombre artistico rusificau de Hovakim Tamiryants, Հովակիմ Թամիրյանց en armenio), naixiu de Tbilisi (u puet estar que de Bacú), en l'Imperio Ruso, o 29 d'octubre de 1899 y muerto en Palm Springs (California, Estaus Unius) o 17 de setiembre de 1972, estió un actor estausuniudense d'orichen armenio, activo en o mundo d'o teatro dende finals d'os anyos 1910 y en o cine estausunidense dende primerías d'os anyos 1930, con cuantos premios recibius mientres a suya carrera interpretativa.
Formau como actor en o Teatro d'arte de Moscú (a on rusificó lo suyo nombre y apelliu armenios), estando alumno de Konstantin Stanislavski. Con a Revolución rusa de 1917 albandonó Rusia instalando-se en primeras en París, ta emigrar definitivament enta los Estaus Unius en 1927. Treballó en primeras en teatros de Nueva York y dende 1932 pasó a interpretar papels ta la gran pantalla. Entre a suya ampla filmografía, con alto u baixo 80 cintas, se pueden destacar The Lives of a Bengal Lancer (1935, Henry Hathaway), China Seas (1935, Tay Garnett), The General Died at Dawn (1936, Lewis Milestone), The Buccaneer (1938, Cecil B. DeMille), Five Graves to Cairo (1943, Billy Wilder), For Whom the Bell Tolls (1943, Sam Wood), Touch of Evil (1958, Orson Welles), Ocean's 11 (1960, Lewis Milestone), Topkapi (1964, Jules Dassin), Lord Jim (1965, Richard Brooks), u 100 Rifles (1969, Tom Gries).
Premios O 2 d'agosto de 1960 se li adhibió una estrela a lo Paseyo d'a Fama de Hollywood, estando a suya estrela situada en o 1634 de Vine Street d'a ciudat de Los Angeles. Akim Tamiroff en Walk of Fame Stars.
Filmografía Akim Tamiroff en Internet Movie Database. Anyo Títol d'a cinta Papel Director Reparto Atros '''' [ ''''] en Internet Movie Database.
Referencias
Se veiga tamién Cintas interpretadas por Akim Tamiroff.
Vinclos externos
Akim Tamiroff en Internet Movie Database. Akim Tamiroff en AllMovie. Akim Tamiroff en Internet Broadway Database.
Categoría:Actors de Cheorchia Categoría:Actors d'Azerbaichán Categoría:Actors d'Estaus Unius Categoría:Alumnos d'o Teatro d'Arte de Moscú Categoría:Muertos en Palm Springs Categoría:Naixius de Bacú Categoría:Naixius de Tbilisi Categoría:1899 (naixencias) Categoría:1972 (muertes)