Marta Fernández Martín (Zaragoza, 23 d'agosto de 1966) ye una politica aragonesa, deputada de Vox y Presidenta d'as Corz d'Aragón dende o 23 de chunio de 2023 dica o 16 d'aviento de 2026.
Biografía Naixida de Zaragoza, Aragón, Fernández ye licenciada en Dreito por a Universidat de Zaragoza, habendo treballau como avogada cuatre anyos. Dimpués d'un anyo como asistent administrativa en Ibercaja Banco, pasó a treballar en o departamento de Recursos Humanos d'Osca Gas entre os anyos 1999 y 2019.
Fernández estió una d'os tres deputaus electos de Vox en as eleccions de 2019 a Corz d'Aragón. En 2023, o partiu aumentó a siet escanyos y ella fue nombrada presidenta d'as Corz dimpués d'un alcuerdo con o Partido Popular. Ye a segunda muller en ocupar iste cargo, dimpués de Violeta Barba.
Dimpués d'estar nombrada presidenta, Fernández zarró as suyas cuentas en os rez socials, afirmando que as suyas opinions anteriors las feba como fegura politica, pero que dende alavez representaba una institución. Previament heba emplegau os suyos rez socials pa creticar as midas mientres a pandemia de COVID-19, negar o cambio climatico, describir a o president d'o Gubierno d'Espanya Pedro Sánchez como "dictador comunista" y afirmar que a ministra Irene Montero nomás sabeba que "achenullar-se".
Referencias
Categoría:Naixius de Zaragoza Categoría:Politicos d'Aragón Categoría:Avogaus d'Aragón Categoría:Politicos de Vox Categoría:Presidents d'as Corz d'Aragón Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a X Lechislatura d'as Corz d'Aragón Categoría:Deputaus d'a XI Lechislatura d'as Corz d'Aragón Categoría:Deputaus d'a XII Lechislatura d'as Corz d'Aragón Categoría:1966 (naixencias)