Violeta Barba Borderías (Zaragoza, 25 d'octubre de 1987) ye una avogada laboralista y politica aragonesa de Podemos, presidenta d'as Corz d'Aragón entre 2016 y 2019.
Biografía Naixida de Zaragoza, ye filla de Carlos Barba, expresident d'a Sociedat Espanyola d'Electromedicina y Incheniería Clinica. O suyo avuelo, Andrés Borderías Martín estió o primer president d'o sindicato Central Sindical Independiente y de Funcionarios (CSIF).
Licenciada en Dreito por a Universidat de Zaragoza. Remató os suyos estudios superiors con un Máster Universitario en Relacions de Chenero, especializando-se en Chenero y Treballo. Exerció como avogada laboralista y de seguridat social, mas que mas ligada a la esfensa d'os dreitos civils.
Embrecada en movimientos como o 15M u Democracia Real Ya!, albandonó Izquierda Unida, pa dentrar a fer parti de Podemos. Entré 2015 y 2019 ocupó un d'os 14 escanyos de Podemos en as Corz d'Aragón, estando a numero dos d'o partiu en ista Comunidat Autonoma. Prencipió dita lechislatura como vicepresidenta d'as Corz, pero dimpués d'a renuncia d'o president, Antonio Cosculluela, asumió a presidencia d'o parlamento o 9 de setiembre de 2016, convertindo-se asinas en a primera muller en desempenyar dito cargo, asinas como a persona mas choven en fer-lo.
Asinas mesmo, fació parti d'o Consello Ciudadano de Podemos Aragón, coordinando l'Aria de «Chusticia, luita contra a corrupción y seguridat» dica 2020.
Ganadora en febrero de 2019 d'as primarias de Podemos pa trigar l'aspirante d'a formación a l'alcaldía de Zaragoza, Violeta Barba gana las primarias de Podemos al Ayuntamiento de Zaragoza. eldiario.es, 8 de febrero de 2019 fue presentada como cabeza de lista d'a candidatura d'a coalición Podemos-Equo pa las eleccions municipals de 2019 en Zaragoza. ¿Quién es Violeta Barba, candidata de Podemos a la alcaldía de Zaragoza?. Heraldo, 14 de mayo de 2019 Dimpués d'o cantimbás de votos y de concellers obtenius por a suya agrupación en o concello zaragozano, Barba comunicó a suya renuncia a l'acta como concellera, alegando perdua d'ilusión en o prochecto, tornando asinas a o suyo treballo como avogada, estando o suyo posiento ocupau alavez por a tercera en a lista por Podemos, Amparo Bella. Violeta Barba renuncia a su acta como concejal tras el fracaso de Podemos en las elecciones del 26-M. Heraldo, 3 de chunio de 2019
Distincions Premio d'Investigación d'a Casa d'a Muller por La mujer en el mercado de trabajo y la discriminación indirecta: análisis de los sectores de trabajo feminidad y masculinizados (2014) Socia d'Honor de l'Asociación Aragonesa de Mullers Empresarias, ARAME (2018)
Referencias
Categoría:Avogaus d'Aragón Categoría:Concellers d'o Concello de Zaragoza Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a IX Lechislatura d'as Corz d'Aragón Categoría:Naixius de Zaragoza Categoría:Politicos d'Aragón Categoría:Politicos de Podemos Aragón Categoría:Presidents d'as Corz d'Aragón Categoría:1987 (naixencias)