Gaspar Castellano y de Gastón (Exeya d'os Caballers, 18 de mayo de 1928 Gaspar Castellano y de Gastón-Zaragoza, 21 d'abril de 2019) Gaspar Castellano, expresidente de Aragón, muere a los 90 años. El Periódico de Aragón, 23 d'abril de 2019 estió un avogau y politico aragonés.
Biografía Naixió en 1928 d'o despoblau de La Berné, en o termin municipal de Exeya d'os Caballers, Zaragoza. Pasó a suya nineza en a casa natal de su mai en Irurita, en a Val de Baztán (Navarra), cursando en a suya escuela os estudios de primera ensenyanza. Dimpués d'estudiar Dreito en a Universidat de Zaragoza reyalizó os cursos de doctorau.
Rematada a suya formación academica estió Secretario d'Administración Local de primera categoría, y posteriorment prencipió a exercer como avogau en materia d'Administración Local y Urbanismo. En a decada d'os anyos sesanta estió profesor de Dreito Administrativo en a Facultat de Dreito de Zaragoza.
También fació parti d'a vida politica, prencipiando como concellero d'Exeya d'os Caballers y posteriorment Deputau Provincial d'a Deputación de Zaragoza; Vicepresident y President d'a Deputación Provincial de Zaragoza, mientres cuantos periodos. Concretament dende o 28 de chinero de 1976 dica o 8 de febrero de 1976; d'o 21 d'abril de 1977 a o 16 de febrero de 1979 y d'o 26 d'abril de 1979 a o 29 de setiembre de 1982. Con UCD
Dimpués fue nombrau Consellero d'Interior d'a 1a Preautonomía aragonesa, President d'a Deputación Cheneral d'Aragón preautonomica; y Primer President d'a Deputación Cheneral d'Aragón autonomica.
De 1995 a 1999 estió concellero d'o Concello d'a Noble Val y Universidat de Baztán y dimpués parlamentario foral en o Parlamento de Navarra con Unión del Pueblo Navarro.
Falleixió en o suyo domicilio de Zaragoza, a zaguera hora d'o 21 de abril. A suya familia comunicó expresament que no quereba que se suspendiera dengún acto politico con motivo d'o Día Nacional d'Aragón (23 d'abril). No s'organizó capiella ardient, y as suyas restas mortals se tresladoron ta la val de Baztán (Navarra), a on reposan as restas mortals d'a suya familia.
Condecoracions Medalla d'Aragón. Gran Cruz d'a Orden a o Merito Militar. Encomienda de Numero d'a Orden d'o Merito Agricola. Medalla d'Oro d'a Cruz Roya. Medalla d'Archent d'a Ciudat d'o Compromís.
Referencias
Se veiga tamién Primer Gubierno Castellano Segundo Gubierno Castellano
Bibliografía Sánchez Lecha, Alicia, 175 años de historia de las Diputaciones Provinciales, Diputación Provincial de Zaragoza, 2008, 57 pp.
Vinclos externos Pachina oficial d'a Deputación Provincial de Zaragoza
Categoría:Avogaus d'Aragón Categoría:Politicos d'Aragón Categoría:Politicos d'Unión de Centro Democrático Categoría:Presidents d'a Deputación Cheneral d'Aragón Categoría:Presidents d'a Deputación Provincial de Zaragoza Categoría:Consellers por a Deputación Provincial de Zaragoza en a Deputación Cheneral d'Aragón Categoría:Consellers d'Interior d'a Deputación Cheneral d'Aragón Categoría:Primer Gubierno Bolea Categoría:Segundo Gubierno Bolea Categoría:Tercer Gubierno Bolea
Categoría:Naixius d'Exeya d'os Caballers Categoría:Muertos en Zaragoza Categoría:1928 (naixencias) Categoría:2019 (muertes)