Manuel Giménez Abad (Pamplona, 4 d'aviento de 1948 - Zaragoza, 6 de mayo de 2001) estió un politico aragonés perteneixient a o Partido Popular de Aragón y president d'o mesmo, asasinau por a banda terrorista ETA en 2001.

Formación y carrera Naixiu de Pamplona o 4 d'aviento de 1948, estudió Dreito en a Universidat de Navarra, a on una vegada licenciau impartió docencia, como tamién en l'Instituto Aragonés d'Administración Publica y en a Universidat de Granada.

Pasó a perteneixer a o Cuerpo Superior d'Administradors Civils d'o Estau. Astí ocupó relevants puestos, como Secretaire de l'Instituto d'Estudios Administrativos, Chefe d'a Sección de Selección y Perfeccionamiento de Funcionarios de Titulación Superior, y Consellero Tecnico.

Siempre ligau a l'administración, ingresó en a Deputación Cheneral d'Aragón, a on en 1995 plegó a o cargo de Consellero de Presidencia y Relacions Institucionals d'o Gubierno d'Aragón. Fundación Manuel Giménez: Biografía.

En 1999 fue eslechiu deputau a las Corz d'Aragón por o Partido Popular, y dimpués senador por a Comunidat Autonoma d'Aragón.

O 24 de febrero de 2001 fue nombrau president d'o Partido Popular de Aragón, sustituyindo en o cargo a Santiago Lanzuela. Iste asumió a dirección d'o partiu en un momento critico debiu a la presión social en Aragón contra o Plan Hidrolochico Nacional y o trasvase de l'Ebro. Manuel Giménez Abad, de consejero independiente a líder del PP en Aragón. Aragón Digital.com. 6 de mayo de 2001

Asasinato O 6 de mayo de 2001 n'iba con un d'os suyos fillos a o estadio de la Romareda de Zaragoza a veyer un partiu de fútbol d'o Real Zaragoza cuan un miembro d'a banda terrorista ETA le pretó tres tiros por a esquena, dos d'els en o tozuelo. Os servicios sanitarios plegoron ascape ta o puesto, pero no pudioron reanimar-lo. asesina al presidente del Partido Popular, Manuel Giménez Abad, con tres tiros en pleno centro de Zaragoza. Aragón Digital.com, 6 de mayo de 2001

A o día siguient, se fació una gran manifestación en a capital aragonesa d'a que facioron parti mas de 350.000 personas, convocada por todas as fuerzas politicas, en repulsa por o crimen. Clamor unánime contra ETA. Aragón Digital.com, 2 de setiembre de 2011 Os suyos funerals y sepelio se facioron en a localidat de Chaca (Uesca), a on heba pasau gran parti d'a suya choventut. A o funeral acudió l'alavez president d'o Gubierno, José María Aznar. Multitudinario funeral en la catedral de Jaca. Aragondigital.es Aragón, de luto

Homenaches thumb|Placa en memoria de Giménez Abad. Un día dimpués d'o suyo asasinato, o Concello de Zaragoza lo nombró fillo adoptivo d'a ciudat. El Ayuntamiento de Zaragoza nombra hijo adoptivo a Manuel Giménez Abad O 20 de mayo d'ixe mesmo mes, os suyos fillos reculloron de mans d'o president d'o Real Zaragoza, Alfonso Soláns, a títol postomo, a insignia d'oro y brillants, a maxima distinción d'o club, d'o que yera socio Giménez Abad. Los hijos de Giménez Abad reciben la medalla del Real Zaragoza. Aragón Digital.com Días dimpués, as Corz d'Aragón le imposoron a títol postomo a medalla d'a institución. Amás, en 2002 fue inaugurau o puent Manuel Giménez Abad sobre l'Ebro con o suyo nombre, disenyau por Javier Manterola Armisén. Giménez Abad, Gran Cruz postoma de la Real Orden de Reconocimiento Civil Tamién en a suya memoria se creyó a Fundación Manuel Giménez Abad d'Estudios Parlamentarios y d'o Estau Autonomico, fundada por as Corz d'Aragón, o Concello de Jaca, Ibercaja y a Caja Inmaculada.

O 5 de mayo de 2021, en o XX cabo d'anyo d'a suya muerte, o Concello de Zaragoza rendió homenache a la suya fegura con o descubrimiento d'una placa informativa en a suya memoria en o puesto a on fue asasinau. Zaragoza recuerda a Manuel Giménez Abad en el XX aniversario de su asesinato a manos de ETA. Aragondigital.es, 5 de mayo de 2021

Referencias

<center>

Categoría:Avogaus de Navarra Categoría:Consellers de Presidencia d'a Deputación Cheneral d'Aragón Categoría:Deputaus en as Corz d'Aragón por a circumscripción electoral de Uesca Categoría:Deputaus d'a V Lechislatura d'as Corz d'Aragón Categoría:Gubierno Lanzuela Categoría:Politicos de Navarra Categoría:Politicos d'o Partido Popular de Aragón Categoría:Presidents d'o Partido Popular de Aragón Categoría:Senadors por designación d'as Corz d'Aragón Categoría:Senadors d'a VII Lechislatura d'Espanya Categoría:Naixius de Pamplona Categoría:Muertos en Zaragoza Categoría:1948 (naixencias) Categoría:2001 (muertes)