Alberto Ballarín Marcial (Sarinyena, 16 d'abril de 1924 — Madrit, 31 de chulio de 2016 Fallece Alberto Ballarín Marcial, eminente jurista, estudioso del derecho agrario, agricultor y primer presidente de ICAM) estió un politico y churista aragonés.
Biografía Naixiu de Sarinyena, estió un estudioso d'o dreito agrario y un experto en lechislación agraria comparada, formando-se en diferents viaches que realizó en a decada de 1950 ta París, Pisa, Florencia y Roma gracias a una beca d'a Dirección Cheneral de Relacions Culturals (DGRC). Presidió l'Instituto Nacional de Reforma y Desarrollo Agrario (IRYDA) y estió fundador y primer director de l'Asociación Espanyola de Dreito Agrario, president de l'Asociación Mundial de Dreito Agrario, president de l'Asociación Espanyola de Dreito Agroalimentario y miembro de l'Academia de l'Agricultura de Francia. En ista etapa estió tamién Procurador en Corz, Consellero Nacional d'o Movimiento y Senador d'o Reino.
Entre os anyos 1976 y 1982 estió senador por a provincia de Uesca y president d'a Comisión d'Esfensa d'o Senau, esfendendo y empentando o ingreso d'Espanya en a CEE y en a OTAN. Alberto Ballarín estió un d'os siet expertos europeus que aduyoron a o comisario Fischler a preparar a Conferencia de Cork que teneba como obchectivo empentar a politica europea de Desarrollo Rural. Entre 1979 y 1981 exerció como vicepresident d'a Deputación Cheneral d'Aragón en os executivos preautonomicos de Juan Antonio Bolea Los senadores centristas abandonarán la Diputación General de Aragón. Nueva España, 10 de marzo de 1981.
Escribió mas d'una vintena de libros y cientos d'articlos de temas como agricultura, dreito agrario, economía u cheopolítica. Fue galardonau con a Gran Cruz d'o Merito Agricola, a Cruz d'Honor de Sant Raimundo de Penyafort, a Orden d'o Merito Agricola Francés, a Orden d'o Merito d'a Republica Italiana, a Orden Nacional do Cruceiro do Sul de Brasil, a Orden d'o Merito Constitucional y a Distinción d'Honor d'ICAM, que reculló en 2009.
Referencias
Vinclos externos Ficha en Geneanet
Categoría:Churistas d'Aragón Categoría:Senadors por a provincia de Uesca Categoría:Senadors d'a Lechislatura Constituyent d'Espanya Categoría:Senadors d'a I Lechislatura d'Espanya Categoría:Politicos d'Unión de Centro Democrático Categoría:Procuradors d'a VII Lechislatura d'as Corz Espanyolas Categoría:Procuradors d'a VIII Lechislatura d'as Corz Espanyolas Categoría:Procuradors d'a IX Lechislatura d'as Corz Espanyolas Categoría:Naixius de Sarinyena Categoría:Muertos en Madrit Categoría:Politicos d'Aragón Categoría:Vicepresidents d'a Deputación Cheneral d'Aragón Categoría:Segundo Gubierno Bolea Categoría:Tercer Gubierno Bolea Categoría:1924 (naixencias) Categoría:2016 (muertes)