Polituara ye un lugar, hue albandonato, situato en o municipio de Biescas, en l'Alto Galligo. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.390 Os zaguers habitadors d'o lugar lo deixoron en os anyos 70 debito a la construcción de l'entibo de Búbal. Actualment o lugar ye propiedat d'a Confederación Hidrografica de l'Ebro.

Formaba parti d'o municipio d'Oz de Tena en 1857 dica 1873 cuan pasó a estar parti d'o municipio de Piedrafita. Dende 1973 os dos lugars, Piedrafita y Polituara, fan parte d'o termin municipal de Biescas.

D'antis mas Polituara yera la puerta de dentrata por o Camín Reyal a la Val de Tena. Destacaba la ilesia d'o sieglo XVIII en a que nomás se feban misas dos días a l'anyo o 2 de chulio, día d'a Vesitación, y o 6 d'agosto, Sant Roque. A resta de l'anyo se'n puyaba ta Búbal ta sentir a Santa misa. Os ninos puyaban ta Piedrafita ta ir a la escuela y as ninas ta Búbal.

Toponimia O toponimo Polituara s'interpreta que vien d'o latín POLITORIA (puesto polito) con diftongación en -ua- en aragonés arcaico, como hue en bergotés y aragonés de Vallivió. Esto representa un fósil lingüistico en a evolución dende o sufixo latín -TŌRIU ta os sufixos patrimonials -adera, -idera, tamién con función locativa en predicadera y lavadero José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003, pp 324-325..

As casas Bi heba cinco casas en Polituara: Casa el Royo. Casa Barrera. Casa Tapia. Casa Domec. Casa el Herrero.

Patrimonio A Ilesia de Nuestra Sinyora de Polituara ye una ilesia d'o sieglo XVII adedicada a Nuestra Sinyora, estando l'actual ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.

Referencias

Categoría:Lugars de Biescas Categoría:Lugars d'a provincia de Uesca Categoría:Despoblaus d'a provincia de Uesca Categoría:Lugars afectaus por l'entibo de Búbal Categoría:Localidaz d'a diocesi de Chaca en l'Alto Galligo