A ilesia de Sant Crapás de Santa Cruz d'as Serors ye una ilesia d'estilo romanico aragonesa que se troba en a localidat de Santa Cruz d'as Serors, en a comarca d'a Chacetania y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau de Chaca-Berdún en a diocesi de Chaca y a provincia eclesiastica de Pamplona y Tudela.
Adedicada a Sant Crapás, un santo bien vinculau a lo pelegrinache, fácil que la suya advocación tienga lo suyo orichen en os pelegrins que viachaban por o camín de Sant Chaime, que esnavesa bien amán d'o templo, a una distancia d'alto u baixo 2 km. L'edificio ye d'o sieglo XI (anyos 1020-1030) mientres o reinau de Sancho Garcés III de Navarra<ref name="RomanicoAragones"> Santa Cruz de la Serós. Iglesia parroquial de San Caprasio, en www.RomanicoAragones.com.</ref> y ye bien sobrio en a suya decoración exterior. Actualment, ye la ilesia parroquial d'o lugar de Santa Cruz d'as Serors.
Historia As primeras citas documentals de Sant Crapás son de 1061 y 1084 y documentan o templo como construyiu en un lugar propiedat d'o rei, pero en 1089 se documenta la suya cesión a l'amanau monesterio de Sant Chuan d'a Penya. Iglesia de San Caprasio, en a web d'o Sistema de Información del Patrimonio Cultural Aragonés.
En os sieglos XVII y XVIII se facioron reformas en o templo, en adhibindo-le dos naus laterals que fuoron suprimidas en a suya restauración mientres os anyos 1960 ta tornar o templo en o suyo aspecto orichinal.
Descripción Interior O templo poseye nomás que una sola nau dividida en dos trampos por un arco faixón de meyo punto que sustenta una vuelta d'ariesta que los cubre toz dos y no poseye garra decoración interior. Se troba cubierto por un tellau a dos auguas.
En a cabecera d'a nau se troba un presbiterio de forma trapezoidal cubierto por vuelta de canyón. En l'abside (semicircular y cubierto por vuelta de cuarto de esfera) bi ha tres chicotas finestras (alusivas a la Santisma Trinidat) con arco de meyo punto y doble derrame que dotan de luz l'interior, chunto con atras dos lucherament abocinadas en a frontera meridional d'o templo. En a suya paret septentrional se i trobaba una atra finestra cruciforme, hue cegada.
Exterior Exteriorment la ilesia conserva l'austeridat decorativa d'o suyo interior y nomás se i troban que chicoz arcos ciegos en todo lo suyo perimetro que descansan alternativament un de cada dos en lesenas, con siet lesenas en o canto norte y atras siet en o canto sud de l'edificio, amás de cinco en a suya cabecera y tres a los suyos piez, estando istos zagueros descentraus ta acoplar-se a lo forau d'a puerta d'o templo.
A frontera prencipal a l'ueste ye extremadament simpla, con una puerta una mica descentrada con nomás que una arquivolta con candals desiguals en arco de meyo punto baixo lo cual bi ha un timpano y un membral sin garra decoración. Iglesia de San Caprasio de Santa Cruz de la Serós en Arteguías.
Torre A ilesia poseye una torre-campanal de planta cuadrada que se troba situada sobre lo presbiterio sin acceso dende l'interior d'o templo. Ista torre s'adhibió a l'edificio en o sieglo XII y orichinalment teneba dos pisos mas fendo un total de tres, d'os cuals hue no se conserva so que un. O solo cuerpo que se conserva d'a torre poseye finestra simpla en o suyo canto occidental y finestra cheminada en os atros tres.
Protección legal A ilesia de Sant Crapás de Santa Cruz d'as Serors se troba protechida legalment con a suya declaración como Bien d'Intrés Cultural (codigo RI-51-0011127) dende lo 30 de noviembre de 2004.
Galería d'imáchens
Referencias
Vinclos externos
Iglesia de San Caprasio, en a web d'o Sistema de Información del Patrimonio Cultural Aragonés. Santa Cruz de la Serós. Iglesia parroquial de San Caprasio, en www.RomanicoAragones.com.
Crapas de Santa Cruz d'as Serors Crapas de Santa Cruz d'as Serors Crapas de Santa Cruz d'as Serors Crapas de Santa Cruz d'as Serors Santa Cruz d'as Serors Crapas de Santa Cruz d'as Serors Ilesia de Sant Crapas de Santa Cruz d'as Serors Ilesia de Sant Crapas