A ilesia de Sant Simón y Sant Chudas d'Alcalá de la Selva ye una ilesia d'estilo gotico-renaixentista construyida entre os sieglos XVI y XVII que se troba en Alcalá de la Selva (Gúdar-Chabalambre, Aragón). Ilesia de Sant Simón y Sant Chudas d'Alcalá de la Selva en SIPCA. Ye protechida legalment con a suya declaración como Bien d'Intrés Cultural.
Descripción thumb|Ilesia de Sant Simón y Sant Chudas Ye construyida en mampostería con sillar bien escuadrau en o basamento, as esquinas y os elementos prencipals, fue devantada en o sieglo XVI seguntes o modelo d'ilesia gotico-renaixentista, a on predomina a concepción espacial ampla y unitaria.
A planta consta d'un abside poligonal parcialment amagau a l'exterior por a sacristía y a capilla d'o sagrario, y una nau central devantada de cinco trampos con estreitas naus laterals ubiertas entre os contrafuertes. O cubrimiento se realiza por meyo de vueltas de crucería estrelada deseparadas por arcos faixons de meyo punto que rematan en pilastras estriadas coronadas por sencillos capitels.
O zaguer trampo, que orichinalment albergaba un coro alto, en l'actualidat s'ha zarrau y adedicau a salón parroquial.
A dentrada se feba a traviés d'un molimental portegau ubierto en triple arco, encara en l'actualidat s'ha perdiu l'arco lateral ezquierdo; o gran arco central, ubierto en arco de meyo punto, cobeixa a sobrebuena portalada, de dos cuerpos y decorada con motivos clasicos.
En un anglo d'o nuevo salón parroquial se devanta a torre, tamién construyida en piedra sillar, con tres pisos diferenciaus en altaria; ye de planta cuadrada o primero y octogonals os dos zaguers. Conta amás con un chapistel de remate.
En cheneral os volumens compactos d'a ilesia se veyen mascaraus por a construcción de cuantos edificios annexos, entre éls a casa d'a villa.
miniaturadeimagen|Ilesia de Sant Simón y Sant Chudas d'Alcalá de la Selva
Referencias
Bibliografía miniaturadeimagen|Ilesia de Sant Simón y Sant Chudas d'Alcalá de la SelvaIste texto prene como referencia a declaración de Bien d'Intrés Cultural publicada en o BOA nº 119 de calendata 8 d'octubre de 2001 y s'achusta a l'articulo 13 LPI
Vinclos externos Ficha en gcatholic.org
Simón y Chudas Simón y Chudas Simón y Chudas Alcalá de la Selva Alcalá de la Selva Simón y Chudas d'Alcalá de la Selva Simón y Chudas d'Alcalá de la Selva Simón y Chudas d'Alcalá de la Selva Categoría:Biens d'Intrés Cultural de Gúdar-Chabalambre Categoría:Molimentos d'Alcalá de la Selva