A colechiata de Santa María la Mayor de Boleya ye una colechiata gotica d'o sieglo XVI situada en Boleya, en o municipio d'a Sotonera, Plana de Uesca, Aragón. thumb|Mayestro d'o retablo de Boleya, Lamentación sobre Cristo muerto. Panel d'o banco d'o retablo mayor, pintau entre 1499 y 1503.
Historia A ilesia se troba en os terrenos de l'antigo castiello-palacio arabe que serviba d'esfensa d'Al-Andalus frent a los reinos cristianos d'o norte. En a torre y as base de cualques muros encara se conservan restas d'iste edificio.
En iste terreno tamién i habió una ilesia romanica anterior, d'a cual a colechiata aproveitó os alacez.
Dende a suya construcción estió priorato d'a Capiella Reyal de Mont Aragón dica 1571, anyo en o que pasa a fer parti d'a diocesi de Uesca, ya como colechiata.
Declarada Molimento Historico Artistico Nacional o 23 de febrero de 1983. Actualment se diz oficialment ilesia parroquial de Santa María la Mayor.
En 1991 se creyó l'"Asociación d'Amigos d'a Colechiata de Boleya" que actualment se responsabiliza d'o mantenimiento, protección y promoción d'os aspectos culturals y turisticos de l'edificio.
Arquitectura thumb|150px|Tracerías en l'interior. Construyida entre 1541 y 1559 seguntes un prochecto de Pedro de Irazábal, ye una ilesia gotica de transición a lo renaiximiento de carácter marcadament aragonés. Seguindo l'eixemplo d'a Seo de Zaragoza y a seu de Balbastro, ye una ilesia de salón de planta cuadrada de tres naus d'igual altaria deseparada por arcos de meyo punto y apuntaus.
Arte relichioso
Vinclos externos
Sitio oficial de l'Asociación de amigos d'a colechiata de Boleya Colechiata de Santa María la Mayor Colechiata de Boleya en Epdlp
Categoría:Biens d'Intrés Cultural d'a Plana de Uesca Boleya Boleya Categoría:Ilesias d'a provincia de Uesca Categoría:Ilesias d'a Plana de Uesca Categoría:Ilesias parroquials d'a diocesi de Uesca Categoría:Ilesias goticas d'Aragón Categoría:Ilesias catolicas romanas d'Aragón Categoría:Molimentos de Boleya