The Young Savages (títol orichinal en anglés, en aragonés Os chóvens salvaches, estrenada en Aragón con o suyo títol traduciu enta lo castellano como Los jóvenes salvajes) ye una cinta de cine de drama cudicial-policiaco de cine estausunidense de l'anyo 1961 dirichida por John Frankenheimer seguntes un guión adaptau por Edward Anhalt y J.P. Miller (basau en a novela A Matter of Conviction, publicada por Evan Hunter), con una banda sonora orichinal de David Amram, una dirección de fotografía de Lionel Lindon y una producción cinematografica de Pat Duggan y Harold Hecht ta la productora cinematografica Contemporary Productions. De l'elenco d'a cinta e fan parte, entre d'atros, os actors Burt Lancaster, Dina Merrill, Edward Andrews, Shelley Winters, Larry Gates, Telly Savalas, Pilar Seurat, Roberta Shore, Milton Selzer, David J. Stewart, John Davis Chandler, José Pérez, Stanley Kristien y Luis Arroyo.
Os Thunderbirds son una clica de chóvens habitants en a ciudat de Nueva York, en o barrio de l'East Harlem. Son d'orichen italoamericano y se troban en una situación de guerra constant con una atra clica formada por portorriquenyos, os Jinetes. Bel día, Danny diPace y Anthony "Batman" Aposto, miembros d'a clica italoamericana, chunto con Arthur Reardon, que encara que d'orichen irlandoamericano fa parte d'a mesma clica, asasinan a Roberto Escalante, miembro d'os Jinetes. Hank Bell, aduyant d'o fiscal de districto, descubre mientres l'interrogatorio d'os cukpables, que han estau arrestaus, que un d'oa presuntos asasins ye fillo de Mary diPace, una antiga novia suya. Encara que comunica lo feito a los suyos superiors, li dicen que contine estando al cudiau d'o caso. Un primer feito destacau que se conoix bien luego ye que la victima, Roberto Escalante, ye ciego, encara que los suyos asasins manifiestan que iste heba sacau una novalla y que éls no facioron so que responder a la provocación. Hank Bell charra con toz os implicaus, trobando-se con que la mai d'a victima li desiche un gran castigo ta los asasins d'o suyo fillo y que la suya antiga novia li asegura que lo suyo fillo, que ye popiello, ye incapable de cometer un asasinato. D'atra man, descubre que una mesacha italoamericana s'apoderó d'as novallas emplegadas en l'asasinato y que las ficó en un auto cualsiquiera ta fer-las disapareixer. Tamién prencipia a sospeitar, por o que li explica un nino portorriquenyo, que lo fillo d'a suya novia parixe no estar enemigo d'os portorriquenyos, so que mesmo heba protechiu a ixe nino cuan bels italoamericans l'heban atacau en una piscina. Charra con os chefes de cadaguna d'as clicas y prencipia a recibir presions y menazas de cadaguna d'ellas, plegando mesmo os Thunderbirds a menazar a su muller y dimpués a dar-li abadeixo a él mesmo. Finalment, en meyo de 'iste ambient recargau, plega lo chudicio, a on Hank Bell quiere fer aflorar a verdat por dencima de cualsiquier atra consideración.
A cinta s'ambienta en a suya epoca actual (1961) en a ciudat de Nueva York (Nueva York, Estaus Unius) y las suyas escenas se filmoron integrament en localizacions en ixa mesma ciudat. Estreno de The Young Savages en Internet Movie Database.
Elenco The Young Savages en Internet Movie Database. Actor Papel Notas ''''
Se veiga tamién Cine en 1961. Cintas de 1961.
Referencias
Categoría:Cintas ambientadas en Nueva York (ciudat) Categoría:Cintas ambientadas en 1961 Categoría:Cintas con banda sonora orichinal de David Amram Categoría:Cintas con dirección de fotografía de Lionel Lindon Categoría:Cintas con guión d'Edward Anhalt Categoría:Cintas con guión de J.P. Miller Categoría:Cintas con montache d'Eda Warren Categoría:Cintas de cine de chudicios Categoría:Cintas de cine de drama Categoría:Cintas de cine policiaco Categoría:Cintas d'Estaus Unius Categoría:Cintas dirichidas por John Frankenheimer Categoría:Cintas en anglés Categoría:Cintas en castellano Categoría:Cintas en italiano Categoría:Cintas en blanco y negro Categoría:Cintas interpretadas por Burt Lancaster Categoría:Cintas interpretadas por David J. Stewart Categoría:Cintas interpretadas por Dina Merrill Categoría:Cintas interpretadas por Edward Andrews Categoría:Cintas interpretadas por John Davis Chandler Categoría:Cintas interpretadas por José Pérez Categoría:Cintas interpretadas por Larry Gates Categoría:Cintas interpretadas por Luis Arroyo Categoría:Cintas interpretadas por Milton Selzer Categoría:Cintas interpretadas por Pilar Seurat Categoría:Cintas interpretadas por Roberta Shore Categoría:Cintas interpretadas por Shelley Winters Categoría:Cintas interpretadas por Stanley Kristien Categoría:Cintas interpretadas por Telly Savalas Categoría:Cintas producidas por Harold Hecht Categoría:Cintas producidas por Pat Duggan Categoría:Cintas rodadas en Nueva York (ciudat)