Iste articlo ye sobre una cinta de cine de drama romantico belico de l'anyo 2007; ta atros usos, se veiga Atonement y Atonement (cinta).

Atonement (títol orichinal en anglés, en aragonés Expiación, estrenada en Aragón con o títol en castellano d'Expiación: Más allá de la pasión, en aragonés Expiación: Dillá d'a pasión) ye una cinta de l'anyo 2007 de cine de drama romantico belico coproducida por o cine britanico, lo cine francés y lo cine estausunidense, dirichida por Joe Wright seguntes un guión adaptau por Christopher Hampton (basau en a novela Atonement, que heba publicau Ian McEwan l'anyo 2001), con una banda sonora orichinal de Dario Marianelli y una producción cinematografica de Tim Bevan, Eric Fellner y Paul Webster ta las productoras Relativity Media, StudioCanal y Working Title Films. De l'elenco d'actors d'a cinta en fan parte, en os suyos papels principals, James McAvoy, Keira Knightley, Saoirse Ronan, Romola Garai, Vanessa Redgrave, Brenda Blethyn, Juno Temple, Benedict Cumberbatch, Patrick Kennedy, Harriet Walter, Peter Wight, Daniel Mays, Nonso Anozie, Gina McKee, Jérémie Renier, Michelle Duncan y Alfie Allen.

Briony Tallis ye una mesacha de 13 anyadas que vive en 1935 con a suya familia, bien cabalera, en una gran mansión en Anglaterra. Tiene vocación d'escritora y tamién espía las relacions entre la suya chirmana Cecilia y lo fillo d'a casera, Robbie Turner, de qui Briony ye enamorada. Briony malinterpreta una escena d'una aparent discusión entre Robbie y su chirmana y quan aquél redacta una nota ta disculpar-se con Cecilia, erroniament entrega a Briony ta que la de a su chirmana un borrador a on expresa veladament o suyo amor por Cecilia. Cuan Briony antes d'entregar a nota la leye, decide amostrarla a su prima Lola, que temporalment vive con éls, y Lola, una atra pre-adolescent como ella, li diz que ye escrita por un maniaco sexual. D'atra man, Paul Marshall, un amigo de Leon, o chirmano mayor de Cecelia y Briony, plega en a casa y siente atracción por Lola. Cuan poco dimpués Briony troba a Cecelia y Robbie fendo l'amor en a biblioteca d'a mansión, creye erroniament que se tracta d'una violación y li cuenta a Lola, creyendo definitivament todas dos que Robbie ye un maniaco sexual. Posteriorment, Briony troba a Lola tremolosa y plorando en haber estau obchecto d'una violación y encara que Lola no ha podiu veyer a cara d'o suyo asaltant, Briony la convence de que ha estau Robbie. Todas dos l'acusan y finalment ye condenau por violación y engarcholau. Cuan en l'anyo 1939 escomencipia la Segunda Guerra Mundial deixan libre a Robbie a condición de que s'aliste en l'exercito britanico, y en consecuencia iste partecipa en a batalla de Francia en 1940 plegando en reblar as tropas britanicas en a ciudat de Dunkerque, a on a Royal Navy organiza la clamada Operación Dynamo ta rescatar a lo Cuerpo Expedicionario Britanico y levar-lo enta lo Reino Uniu, encara que cuan plega en ixa ciudat d'a costa d'a canal d'a Manga ye bien malauto. D'atra man, Cecilia y Brionny colaboran con l'exercito britanico como enfermeras, cadaguna en un puesto diferent. Y amás, en fer-se adulta, Briony ye cada vegada mas conscient d'a suya error.

A cinta s'ambienta en tres momentos historicos y lugars diferents: en 1935 en Anglaterra, en 1940 en Anglaterra y en Dunkerque en Francia, y en epoca actual d'a cinta (2007) tamién en Anglaterra. Las suyas escenas se filmoron en Onibury en Shropshire, en Dover en Kent, en Seven Sisters y Seaford en Sussex de l'Este, en Peterborough, Whittlesey y atros puestos en Cambridgeshire, en Grinsby y Spalding en Lincolnshire, en Walpole en Norfolk, en Slough en Buckinghamshire, en Henley-on-Thames en Oxfordshire, en Cheltenham en Gloucestershire, en Shepperton en Surrey, en Northumberland, en Londres y en Redcar en Yorkshire d'o Norte en o Reino Uniu, amás d'en os Shepperton Studios en Shepperton. Localizacions d'Atonement en Internet Movie Database.

Se tracta d'una cinta con cuantismos premios y nominacions, entre los cuals se pueden destacar siet nominacions a los Premios Oscar en a suya 80ena edición, incluyindo-ie Millor Cinta, Millor Actriz Segundaria y Millor Guión Adaptau, ganando l'Oscar a la Millor Banda Sonora Orichinal; catorce nominacions a los Premios BAFTA en a suya 61ena edición, ganando lo Premio BAFTA a la Millor Cinta y lo Premio BAFTA a lo Millor Disenyo de Producción; y ganando tamién un Globo d'Oro a la Millor Cinta Dramatica en a suya 65ena edición.

Elenco Atonement en Internet Movie Database. Actor Papel Notas ''''

Se veiga tamién Cine en 2007. Cintas de 2007.

Referencias

Categoría:Cintas ambientadas en Anglaterra Categoría:Cintas ambientadas en Dunkerque Categoría:Cintas ambientadas en 1935 Categoría:Cintas ambientadas en 1940 Categoría:Cintas ambientadas en 2007 Categoría:Cintas con banda sonora orichinal de Dario Marianelli Categoría:Cintas con dirección de fotografía de Seamus McGarvey Categoría:Cintas con guión de Christopher Hampton Categoría:Cintas con montache de Paul Tothill Categoría:Cintas de cine belico Categoría:Cintas de cine de drama Categoría:Cintas de cine de romance Categoría:Cintas d'Estaus Unius Categoría:Cintas de Francia Categoría:Cintas d'o Reino Uniu Categoría:Cintas dirichidas por Joe Wright Categoría:Cintas en anglés Categoría:Cintas en francés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Alfie Allen Categoría:Cintas interpretadas por Benedict Cumberbatch Categoría:Cintas interpretadas por Brenda Blethyn Categoría:Cintas interpretadas por Daniel Mays Categoría:Cintas interpretadas por Gina McKee Categoría:Cintas interpretadas por Harriet Walter Categoría:Cintas interpretadas por James McAvoy Categoría:Cintas interpretadas por Jérémie Renier Categoría:Cintas interpretadas por Juno Temple Categoría:Cintas interpretadas por Keira Knightley Categoría:Cintas interpretadas por Michelle Duncan Categoría:Cintas interpretadas por Nonso Anozie Categoría:Cintas interpretadas por Patrick Kennedy Categoría:Cintas interpretadas por Peter Wight Categoría:Cintas interpretadas por Romola Garai Categoría:Cintas interpretadas por Saoirse Ronan Categoría:Cintas interpretadas por Vanessa Redgrave Categoría:Cintas producidas por Eric Fellner Categoría:Cintas producidas por Tim Bevan Categoría:Cintas producidas por Paul Webster Categoría:Cintas rodadas en Cambridgeshire Categoría:Cintas rodadas en Cheltenham Categoría:Cintas rodadas en Dover Categoría:Cintas rodadas en Grinsby Categoría:Cintas rodadas en Henley-on-Thames Categoría:Cintas rodadas en Londres Categoría:Cintas rodadas en Northumberland Categoría:Cintas rodadas en Onibury Categoría:Cintas rodadas en Peterborough Categoría:Cintas rodadas en Redcar Categoría:Cintas rodadas en Seaford (Sussex de l'Este) Categoría:Cintas rodadas en Seven Sisters (Sussex de l'Este) Categoría:Cintas rodadas en Shepperton Categoría:Cintas rodadas en Slough Categoría:Cintas rodadas en Spalding (Lincolnshire) Categoría:Cintas rodadas en Walpole (Norfolk) Categoría:Cintas rodadas en Whittlesey Categoría:Cintas de cine sobre a Segunda Guerra Mundial