The 7th Dawn (títol orichinal en anglés, en aragonés O seteno amanixer, estrenada en Aragón con o suyo títol traduciu enta lo castellano como El séptimo amanecer) ye una cinta de cine d'aventuras dramaticas de l'anyo 1964 coproducida por o cine britanico y lo cine estausunidense, dirichida por Lewis Gilbert seguntes un guión adaptau por Karl Tunberg (basau en The Durian Tree, una novela publicada por Michael Keon en 1960), con una banda sonora orichinal de Riz Ortolani, una dirección de fotografía de Freddie Young y una producción cinematografica de Charles K. Feldman ta la productora cinematografica Holdean. De l'elenco d'a cinta en fan parte, e os suyos papels principals, os actors William Holden, Capucine, Tetsurō Tamba, Susannah York, Michael Goodliffe, Allan Cuthbertson, Maurice Denham, Sydney Tafler y Beulah Quo.
En 1945, en rematar a Segunda Guerra Mundial, tres amigos que han luitau chuntos contra l'Exercito Imperial Chaponés salen d'a chungla tropical de Malaisia y d'a clandestinidat. O primero, Ferris , ye un estausunidense, lo segundo, Ng, ye un malayo d'ideolochía comunista y la tercera, Dhana , ye una mestiza franco-vietnamita de qui Ferris ye enamorau, a la vegada que la familia de Dhana ha criau a Ng. En a ceremonia de rendición d'os chaponeses conoixen a Trumpey, l'oficial de l'exercito britanico que será al cudiau d'a rechión. Bien luego Ng marcha enta la Unión Sovietica ta recebir-ie formación. En 1953 o Reino Uniu se resiste a conceder a suya independencia a Malaisia y esclata la clamada "emerchencia malaya" en o marco d'a Guerra Fría, sublevación dirichida por os comunistas contra la ocupación britanica, a la vegada que Ferris s'ha convertiu en propietario d'una prospera plantación de caucho, estando Dhana la suya amant y tamién a dirichent d'un sindicato de mayestros. Ng ye alavez lo dirichent d'os guerrilleros que luitan contra los britanicos, pero encara que ixos guerrilleros atacan os intreses britanicos, siempre respectan a plantación de Ferris. En conoixer os suyos vinclos con Ng, os britanicos li demanan que lo convenza ta deixar de fer ataques porque bien luego concederán a independencia, y Ferris accepta de charrar con él, pero Ng desconfía d'as promesas britanicas y contina la luita. Cuan Ferrir torna con o resultau negativo troba a Trumpey, qui ha tornau en o país como Alto Comisario d'o Reino Uniu ta Malaisia, acompanyau d'a suya filla Candice, qui bien luego amuestra tener intrés amoroso por Ferris. Ixe mesmo día se produz un atentau contra una fiesta organizada por Candice en a residencia oficial de l'Alto Comisario, Carcosa Seri Negara, y como respuesta a l'atentau Trumpey ordena cremar o pueblo a on viviba lo terrorista, fendo que Dhana decida colaborar con Ng y los guerrilleros, augmentando asinas a espiral de violencia. Cuan detienen a Dhana acusada de colaborar con os terroristas y condenando-la a pena de muerte si no diz a on se troba lo suyo campamento, Candice decide entregar-se a los guerrilleros ta salvar a vida de Dhana, a qui admira.
A cinta s'ambienta en Malaisia en dos momentos diferents, en 1945 y 1953, y las suyas escenas se filmoron en escenarios naturals en Malaisia, en os Merdeka Studios en Kuala Lumpur en Malaisia y en os Shepperton Studios en Shepperton (Surrey, Reino Uniu). Localizacions de The 7th Dawn en Internet Movie Database.
The 7th Dawn recibió una nominación a los Premios BAFTA (a la Millor Fotografía) en a suya 18ena edición.
Elenco The 7th Dawn en Internet Movie Database. Actor Papel Notas ''''
Se veiga tamién Cine en 1964. Cintas de 1964.
Vinclos externos
Referencias
Categoría:Cintas ambientadas en Malaisia Categoría:Cintas ambientadas en 1945 Categoría:Cintas ambientadas en 1953 Categoría:Cintas con banda sonora orichinal de Riz Ortolani Categoría:Cintas con dirección de fotografía de Freddie Young Categoría:Cintas con guión de Karl Tunberg Categoría:Cintas con montache de Jeremy Saunders Categoría:Cintas con montache de John Shirley Categoría:Cintas de cine d'aventuras Categoría:Cintas de cine de drama Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Lewis Gilbert Categoría:Cintas en anglés Categoría:Cintas en Technicolor Categoría:Cintas interpretadas por Allan Cuthbertson Categoría:Cintas interpretadas por Beulah Quo Categoría:Cintas interpretadas por Capucine Categoría:Cintas interpretadas por Maurice Denham Categoría:Cintas interpretadas por Michael Goodliffe Categoría:Cintas interpretadas por Susannah York Categoría:Cintas interpretadas por Sydney Tafler Categoría:Cintas interpretadas por Tetsurō Tamba Categoría:Cintas interpretadas por William Holden Categoría:Cintas producidas por Charles K. Feldman Categoría:Cintas rodadas en Kuala Lumpur Categoría:Cintas rodadas en Malaisia Categoría:Cintas rodadas en Shepperton Categoría:Cintas sobre a Guerra Fría