Iste articlo ye sobre una cinta de cine de ciencia-ficción belica estrenada en 1980: ta atros usos, se veiga The Final Countdown.
The Final Countdown (títol orichinal en anglés, en aragonés O final d'a cuenta entazaga, estrenada en Aragón con o suyo títol traduciu enta lo castellano como El final de la cuenta atrás) ye una cinta de cine estausunidense de cine de ciencia-ficción belica estrenada l'anyo 1980, dirichida por Don Taylor seguntes un guión adaptau por David Ambrose, Gerry Davis, Thomas Hunter y Peter Powell (basau en una historia de Thomas Hunter, Peter Powell y David Ambrose), con una banda sonora orichinal de John Scott, una dirección de fotografía de Victor J. Kemper y una producción cinematografica de Peter Vincent Douglas y Lloyd Kaufman ta la productora cinematografica The Bryna Company. Fan parte de l'elenco d'actors d'a cinta Kirk Douglas, Martin Sheen, Katharine Ross, James Farentino, Ron O'Neal, Charles Durning, Victor Mohica, James Coleman, Soon-tek Oh, Joe Lowry, Alvin Ing, Mark Thomas, Harold Bergman, Richard Liberty, Lloyd Kaufman, Dan Fitzgerald y Peter Douglas, entre d'atros.
L'USS Nimitz, un portaavions d'a United States Navy marcha en 1980 d'a base naval de Pearl Harbor ta fer unas maniobras en l'oceano Pacifico. Con a tripulación d'o barco colabora Warren Lasky, un civil ninviau por o Departamento d'Esfensa d'os Estaus Unius como observador, en a suya función d'analista de sistemas de Tideman Industries, que colabora con o departamento d'o Gubierno d'os Estaus Unius. Lo propietario de Tideman Industries, o sinyor Tideman, ha insistiu especialment en que partecipe en as maniobras. Bien luego lo portaavions se troba en bel meyo d'o que parixe estar una misteriosa tronada electrica, y en disipar-se veyen que han perdiu contacto con a base naval de Pearl Harbor. Creyendo que puet haber esclatau una guerra nucleyar, ninvían un avión de reconoiximiento enta la base, que torna amostrando unas imáchens bien difícils d'interpretar, porque parixe que las instalacions que han fotografiau son as existents en Pearl Harbor antes de l'ataque a Pearl Harbor en 1941 dimpués d'o cual Estaus Unius dentró en a Segunda Guerra Mundial. Poquet a poquet s'acumulan os indicios que verifican que efectivament o portaavions ha trescuzau a barrera d'o tiempo y se troba en una situación perfecta ta impedir l'ataque de l'Imperio chaponés a Pearl Harbor, y lo comandant d'o barco, Yelland , ordena interceptar los avions chaponeses, a la vegada que decide desembarcar a Samuel Chapman, un membro d'o Senau d'os Estaus Unius que ye amán d'estar candidato a la vicepresidencia d'os Estaus Unius. En ixe inte, se reproduz a tronada electrica que los ha levau enta 1941 y Yelland ordena que regresen os avions.
A cinta s'ambienta en dos momentos historicos diferents, 1941 y la suya epoca actual, 1980, en l'oceano Pacifico y Pearl Harbor (Honolulu, Hawaii) y las suyas escenas se filmoron en l'interior d'o USS Nimitz real y bels atros barcos d'a United States Navy, en l'oceano Atlantico, en Honolulu, en Florida (incluyindo-ie Key West) y en Norfolk en Virchinia. Localizacions de The Final Countdown en Internet Movie Database.
Se tracta d'una cinta que ha recibiu bels premios u nominacions, encara qe garra d'éls no fa parte d'os prencipals u mas conoixius premios cinematograficos.
Elenco The Final Countdown en Internet Movie Database. Actor Papel Notas ''''
Se veiga tamién Cine en 1980. Cintas de 1980.
Referencias
Categoría:Cintas ambientadas en Honolulu Categoría:Cintas ambientadas en l'oceano Pacifico Categoría:Cintas ambientadas en 1941 Categoría:Cintas ambientadas en 1980 Categoría:Cintas con banda sonora orichinal de John Scott Categoría:Cintas con dirección de fotografía de Victor J. Kemper Categoría:Cintas con guión de David Ambrose Categoría:Cintas con guión de Gerry Davis Categoría:Cintas con guión de Peter Powell Categoría:Cintas con guión de Thomas Hunter Categoría:Cintas con montache de Robert K. Lambert Categoría:Cintas de cine belico Categoría:Cintas de cine de ciencia-ficción Categoría:Cintas d'Estaus Unius Categoría:Cintas dirichidas por Don Taylor Categoría:Cintas en anglés Categoría:Cintas en chaponés Categoría:Cintas interpretadas por Alvin Ing Categoría:Cintas interpretadas por Charles Durning Categoría:Cintas interpretadas por Dan Fitzgerald Categoría:Cintas interpretadas por Harold Bergman Categoría:Cintas interpretadas por James Coleman Categoría:Cintas interpretadas por James Farentino Categoría:Cintas interpretadas por Joe Lowry Categoría:Cintas interpretadas por Katharine Ross Categoría:Cintas interpretadas por Kirk Douglas Categoría:Cintas interpretadas por Lloyd Kaufman Categoría:Cintas interpretadas por Mark Thomas Categoría:Cintas interpretadas por Martin Sheen Categoría:Cintas interpretadas por Peter Douglas Categoría:Cintas interpretadas por Richard Liberty Categoría:Cintas interpretadas por Ron O'Neal Categoría:Cintas interpretadas por Soon-tek Oh Categoría:Cintas interpretadas por Victor Mohica Categoría:Cintas producidas por Peter Vincent Douglas Categoría:Cintas producidas por Lloyd Kaufman Categoría:Cintas rodadas en Florida Categoría:Cintas rodadas en Honolulu Categoría:Cintas rodadas en Key West Categoría:Cintas rodadas en Norfolk (Virchinia) Categoría:Cintas rodadas en l'oceano Atlantico Categoría:Cintas de cine sobre a Segunda Guerra Mundial