A ilesia de l'Asumpción de Nuestra Sinyora ye una ilesia d'estilo barroco que se troba en l'Almunia de Donya Godina (Val de Xalón, Aragón).
Historia Orichinalment yera una construcción romanica d'o sieglo XII que yera adedicada a santa María y sant Chuan La antigua iglesia de Santa María y San Juan. En asomartevaldejalon.blogspot.com. I hai un documento de 1176 en o que Donya Godina fa donación d'a ilesia a la Orden d'o Hespital La torre de La Almunia de Doña Godina. Colegio Oficial de Aparejadores y Arquitectos Técnicos de Zaragoza:
A meyaus d'o sieglo XIV ista ilesia romanica s'enampla prou, construyindo-se dos naus laterals y una torre d'estilo mudéchar de planta cuadrada que encara se conserva en l'actualidat.
Se fa una nueva una nueva ampliación mientres a segunda metat d'o sieglo XVI, adosando una cambra a la nau d'o costau de l'evanchelio con acceso unicament dende l'exterior. En o sieglo XVIII a construcción primitiva ye substituyida por l'actual barroca, obra de l'arquitecto Julián de Yarza y Ceballos, disciplo de Ventura Rodríguez, conservando-se nomás a suya torre.
Descripción A suya torre ye o solo vestichio d'a construcción medieval de l'antiga ilesia parroquial, que fue espaldada en o sieglo XVIII y substituyida por l'actual fabrica barroca. Ye situada en l'anglo ezquierdo d'o presbiterio y tien estructura mixta, refleixo d'a suya construcción en dos fases succesivas. O cuerpo inferior data de meyaus d'o sieglo XIV, tien planta cuadrada y estructura d'alminar almuade mientres que o cuerpo superior data de 1575, tiene planta octogonal y ye vuedo pa cumplir a suya función de cuerpo de campanas. Iste feito motivó que se cegasen os vanos d'o cuerpo inferior que dica alavez cumpliba dita función.
A decoración exterior d'a torre ye tipicament mudéchar con motivos como esquiniellas, zig-zags y cruces de multiples brazos formando rombos realizaus en ladriello resaltau. Amás destaca a presencia de discos y frisos realizaus en ceramica, que sofrioron a restitución de belunas d'as suyas piezas en a restauración feita en 1960.
D'atra man destaca tamién a gran cupula de zinc que da un aspecto caracteristico a ista ilesia y que s'adhibió en a primera decada d'o sieglo XX. Qué ver en La Almunia de Doña Godina: de la torres mudéjar más bonita a una ermita románica. Nacho Viñau. Hoy Aragón, 3 de febrero de 2024
Referencias
Vinclos externos
Ficha en a web d'o SIPCA En www.aragonmudejar.com En gcatholic.org
Asumpción de Nuestra Sinyora de l'Almunia de Donya Godina Asumpción de Nuestra Sinyora de l'Almunia de Donya Godina Asumpción de Nuestra Sinyora de l'Almunia de Donya Godina Almunia de Donya Godina Asumpción de Nuestra Sinyora de l'Almunia de Donya Godina Asumpción de Nuestra Sinyora de l'Almunia de Donya Godina Asumpción de Nuestra Sinyora de l'Almunia de Donya Godina Categoría:Molimentos de l'Almunia de Donya Godina