Osvaldo Lara, naixiu de L'Habana (L'Habana, Cuba) o 13 de chulio de 1955 y muerto en ixa mesma capital o 2 de chinero de 2024, Daniel de Malas Andreu: Solo y olvidado: Falleció destacado ex velocista cubano, en SoloCuba, 2 de chinero de 2024. estió un destacau atleta cubano, especializau en cursas de velocidat, con cuantas medallas ganadas en prebas de velocidat individuals u d'equipo en os Campionatos Centroamericanos y d'o Caribe d'Atletismo, en a Copa d'o Mundo d'Atletismo, en os Chuegos Centroamericanos y d'o Caribe, en os Chuegos Panamericanos, en os Chuegos de l'Amistat y en os Campionatos Iberoamericanos d'Atletismo. En os Chuegos Olimpicos, partecipó en Moscú 1980, encara que no i obtenió garra medalla, quedando nomás que uiteno en a preba d'os 200 metros lisos.
Carrera esportiva Chuegos Olimpicos Osvaldo Lara nomás tenió que una participación en os Chuegos Olimpicos, en Moscú 1980, a on participó en a preba d'os 200 metros lisos, encara que no i obtenió garra medalla, quedando nomás que uiteno.
Copa d'o Mundo d'Atletismo En a Copa d'o Mundo d'Atletismo participó en Düsseldorf 1977 en a preba de releus 4 x 100 m con l'equipo de Cuba, obtenendo la medalla de bronce, y en Mont-reyal 1979 en a mesma preba, obtenendo la medalla d'oro, ista vegada fendo parte d'un equipo de nacions latinoamericanas a on bi heban dos cubanos y dos brasileiros.
Chuegos Panamericanos Participó en dos edicions d'os Chuegos Panamericanos: en San Juan 1979, obtenendo la medalla d'archent con l'equipo d'o suyo país en a preba de releus 4 x 100 m, y en Caracas 1983, tornando a obtener a mesma medalla en a mesma preba d'equipo. Antiparte, en San Juan 1979 tamién participó en os 100 metros lisos, quedando seiseno en a preba, y en Caracas 1983 tornó a participar en os 100 metros lisos, quedando ista vegada cuatreno.
Chuegos de l'Amistat Tenió tamién una participación en os Chuegos de l'Amistat, en Moscú 1984, a on ganó la medalla d'oro en a preba d'os 100 metros lisos.
Campionatos Iberoamericanos d'Atletismo En os Campionatos Iberoamericanos d'Atletismo obtenió la medalla d'archent en a preba de releus 4 x 100 m con l'equipo de Cuba en L'Habana 1986.
Chuegos Centroamericanos y d'o Caribe Participó en dos edicions d'os Chuegos Centroamericanos y d'o Caribe: en Medellín 1978, a on ganó la medalla d'archent en a preba de 100 metros lisos, y en L'Habana 1982, a on obtenió dos medallas d'archent, en as prebas de 100 metros lisos y 200 metros lisos.
Campionatos Centroamericanos y d'o Caribe d'Atletismo Osvaldo Lara tamién participó en dos edicions d'os Campionatos Centroamericanos y d'o Caribe d'Atletismo, en Xalapa 1977, a on ganó l'oro en releus 4 x 100 m, l'archent en 200 metros lisos y lo bronce en 100 metros lisos, y en Nassau 1985, a on obtenió l'archent en a preba de 100 metros lisos.
Referencias
Categoría:Atletas de Cuba Categoría:Atletas de Cuba en os Chuegos Olimpicos de 1980 Categoría:Medalla d'oro en os Campionatos Centroamericanos y d'o Caribe d'Atletismo Categoría:Medalla d'archent en os Campionatos Centroamericanos y d'o Caribe d'Atletismo Categoría:Medalla de bronce en os Campionatos Centroamericanos y d'o Caribe d'Atletismo Categoría:Medalla d'oro en a Copa d'o Mundo d'Atletismo Categoría:Medalla de bronce en a Copa d'o Mundo d'Atletismo Categoría:Medalla d'archent en os Chuegos Centroamericanos y d'o Caribe Categoría:Medalla d'oro en os Chuegos de l'Amistat Categoría:Medalla d'archent en os Chuegos de l'Amistat Categoría:Medalla d'archent en os Chuegos Panamericanos Categoría:Muertos en l'Habana Categoría:Naixius de l'Habana Categoría:Velocistas de Cuba Categoría:1955 (naixencias) Categoría:2024 (muertes)