A Day of Fury (títol orichinal en anglés, en aragonés Un día de furia, estrenada en Aragón con iste zaguer títol) ye una cinta de cine estausunidense de cine de western estrenada l'anyo 1956, dirichida por Harmon Jones seguntes un guión adaptau por James Edmiston y Oscar Brodney (basau en una historia de James Edmiston), con una banda sonora orichinal d'Irving Gertz y Henry Mancini, una dirección de fotografía d'Ellis W. Carter y una productora cinematografica de Robert Arthur ta la productora cinematografica Universal Pictures. L'elenco d'a cinta se composa, en os suyos papels principals, por os actors Dale Robertson, Mara Corday, Jock Mahoney, Carl Benton Reid, Jan Merlin, John Dehner, Dee Carroll, Sheila Bromley, James Bell, Dani Crayne, Howard Wendell, Charles Cane, Phil Chambers, Sydney Mason y Helen Kleeb.
Jagade ye un pistolero que en o suyo viache troba a un hombre que se troba preto y decide aduyar-lo, conseguindo matar a qui l'atacaba. En rematar, conoix que l'hombre a qui ha aduyau ye lo "sheriff" de West End y que va a tornar en a ciudat ta casar-se con Sharman Fulton, qui resulta estar una antiga novia de Jagade. En conoixer a noticia, iste marcha enta lo pueblo, trobando a la novia asperando en a ilesia chunto con o mosén y los convidaus a la voda. Jagade se moca d'ella y la suya actitut respective d'os habitants d'o lugar fa que en plegar o "sheriff" li demanen que l'arreste, pero iste se niega en no trobar garra motivo legal ta fer-lo y amás porque li ha dito a Jagade que ye en deuda con él. Jagade aproveita ta forzar a situación en provocando a las fuerzas vivas d'a ciudat, conseguindo que lo saloon ubra los domingos y que i tornen as bailarinas a qui ixas fuerzas vivas heban feito fuera. Tanimientres, as fuerzas vivas reaccionan, mesmo menazando con a violencia, y lo "sheriff" se veye obligau a fer cara a los habitants. Sherman va a l'hotel a on ye Jagade ta demanar-li que albandone la ciudat, pero lo chuez John J. McLean l'ha visto dentrar-ie y reacciona mal, porque Sherman ye una antiga bailarina de "saloon" y lo chuez la heba aculliu en a suya casa en considerar-la redimida. Como creye que ha tornau a la mala vida, la fa fuera d'a suya casa y se veye obligada a tornar en casa de Jagade. Iste accepta acullir-la pero desiche que recupere lo suyo antigo vestiu royo de bailarina. D'atra man, Jagade humilia a Timmons, la mayestra d'o lugar, qui s'heba enamorau d'él, fendo que la mesacha s'enforque. Como lo "sheriff!" heba disparau a lo chuez en a suya man cuan Jagade lo provocaba ta matar-lo, encara que con a intención d'evitar que Jagade lo matase, lo chuez heba ordenau lo suyo arresto, y agora ye zarrau en a garchola. Pero en constatar que lo "sheriff" ye lo solo hombre capable de vencer a Jagade, ordena que sía liberau.
A cinta s'ambienta en bel puesto indeterminau d'o Far West d'Estaus Unius y en bel momento tamién indeterminau d'o sieglo XIX, y las suyas escenas se filmoron en os Universal Studios en Universal City en California. Localizacions d'A Day of Fury en Internet Movie Database.
Elenco A Day of Fury en Internet Movie Database. Actor Papel Notas ''''
Se veiga tamién Cine en 1956. Cintas de 1956.
Referencias
Categoría:Cintas ambientadas en Estaus Unius Categoría:Cintas ambientadas en o sieglo XIX Categoría:Cintas con banda sonora orichinal de Henry Mancini Categoría:Cintas con banda sonora orichinal d'Irving Gertz Categoría:Cintas con dirección de fotografía d'Ellis W. Carter Categoría:Cintas con guión de James Edmiston Categoría:Cintas con guión d'Oscar Brodney Categoría:Cintas con montache de Sherman Todd Categoría:Cintas de western Categoría:Cintas d'Estaus Unius Categoría:Cintas dirichidas por Harmon Jones Categoría:Cintas en anglés Categoría:Cintas interpretadas por Carl Benton Reid Categoría:Cintas interpretadas por Charles Cane Categoría:Cintas interpretadas por Dale Robertson Categoría:Cintas interpretadas por Dani Crayne Categoría:Cintas interpretadas por Dee Carroll Categoría:Cintas interpretadas por Helen Kleeb Categoría:Cintas interpretadas por Howard Wendell Categoría:Cintas interpretadas por James Bell Categoría:Cintas interpretadas por Jan Merlin Categoría:Cintas interpretadas por Jock Mahoney Categoría:Cintas interpretadas por John Dehner Categoría:Cintas interpretadas por Mara Corday Categoría:Cintas interpretadas por Phil Chambers Categoría:Cintas interpretadas por Sheila Bromley Categoría:Cintas interpretadas por Sydney Mason Categoría:Cintas producidas por Robert Arthur Categoría:Cintas rodadas en Universal City