Iste ye un articlo sobre una cinta francesa de cine de comedia dramatica estrenada en 2017; ta atros usos, se veiga Jour J.
Jour J (títol orichinal en francés, en aragonés Día D, estrenada en Aragón con o títol en anglés de Wedding Planner, en aragonés A planificadora de vodas) ye una cinta de cine francés de cine de comedia dramatica estrenada l'anyo 2017, dirichida por Reem Kherici seguntes un guión adaptau por ella mesma y por Stéphane Kazandjian basada en una idea doa mesma Reem Kherici, con una banda sonora orichinal de Laurent Aknin, una dirección de fotografía de Pierre-Hugues Galien, una producción cinematografica d'Éric Altmayer y Nicolas Altmayer ta las productoras Mandarin Cinéma, Gaumont y France 2 Cinéma y un elenco d'o cual en fan parte, en os suyos papels principals, os actors Reem Kherici, Nicolas Duvauchelle, Sylvie Testud, Julia Piaton, François-Xavier Demaison, Chantal Lauby y Lionnel Astier.
Mathias vive en París y ye la parella d'Alexia, pero tien una aventura con Juliette, que ye una organizadora de vodas. Cuan Alexia troba una tarcheta de visita de Juliette entre las pertenencias de Mathias, creye que iste tien a intención de casar-se con ella, y contacta con Juliette ta que organize la voda. En ixas condicions, Mathias se troba en una crucillada: no puet decir-le a Alexia que la suya intención no yera pas de casar-se porque se descubriría la suya infidelidat, y se veye obligau a trobar-se convivindo bien amán de Juliette con a preparación d'a voda, amás de que cada vegada s'intresa mas por ella, sentindo-se cada vegada mas distant d'a suya parella. Finalment, Alexia ha preparau una estada de toz tres en casa de su pai ta organizar a voda en ixe lugar, pero por un chicot accident ha de marchar, deixando solos a Mathias y Juliette ta que rematen os preparativos y tornando ella en París.
A cinta s'ambienta en a suya epoca actual (2017) en París y en bel atro puesto de Francia y las suyas escenas se filmoron en París, en Saint-Mandé (Val d'o Marne), Sceaux (Altos d'o Sena) y Écouen (Val de l'Oise) en Francia. Localizacions de Jour J en Internet Movie Database.
Elenco Jour J en Internet Movie Database. Actor Papel Notas ''''
Se veiga tamién Cine en 2017. Cintas de 2017.
Referencias
Categoría:Cintas ambientadas en Francia Categoría:Cintas ambientadas en París Categoría:Cintas ambientadas en 2017 Categoría:Cintas con banda sonora orichinal de Laurent Aknin Categoría:Cintas con dirección de fotografía de Pierre-Hugues Galien Categoría:Cintas con guión de Reem Kherici Categoría:Cintas con guión de Stéphane Kazandjian Categoría:Cintas de cine de comedia Categoría:Cintas de cine de drama Categoría:Cintas de Francia Categoría:Cintas dirichidas por Reem Kherici Categoría:Cintas en francés Categoría:Cintas interpretadas por Chantal Lauby Categoría:Cintas interpretadas por François-Xavier Demaison Categoría:Cintas interpretadas por Julia Piaton Categoría:Cintas interpretadas por Lionnel Astier Categoría:Cintas interpretadas por Nicolas Duvauchelle Categoría:Cintas interpretadas por Reem Kherici Categoría:Cintas interpretadas por Sylvie Testud Categoría:Cintas producidas por Éric Altmayer Categoría:Cintas producidas por Nicolas Altmayer Categoría:Cintas rodadas en Écouen Categoría:Cintas rodadas en París Categoría:Cintas rodadas en Saint-Mandé Categoría:Cintas rodadas en Sceaux (Altos d'o Sena)