O laco Alberto, Mwitanzige u laco Mobutu Sese Seko ye un laco que se troba situau en a zona centroriental d'Africa a lo ueste d'Uganda, en a Val d'o Gran Rift y que fa funcions de buega con a Republica Democratica d'o Congo dende 1984. Forma parte d'una serie de grans lacos situaus a lo largo d'ixa val conoixius conchuntament como Grans Lacos d'Africa.
Tiene forma alargada y ocupa una aria d'uns 5.350 km², con uns 160 km de longaria y 35 km en a suya parte de mas amplaria; a suya profundidat maxima ye d'uns 51 m. La superficie d'as suyas auguas se troba a uns 619 m per alto d'o livel d'a mar.
Fauna O laco y a suya redolada forma un ecosistema en o cual se albergan muitos animals acuaticos y semiacuaticos, como hipopotamos (Hippopotamus amphibius), antilopes cobo d'Uganda (Kobus kob thomasi), crocodilo d'o Nilo (Crocodylus niloticus), varanos d'o Nilo (Varanus niloticus), tortugas de coscarana tova africanas (Trionyx triunguis), tartugas de bardo centroafricanas (Pelusios chapini), tartugas de bardo de Williams (Pelusios williamsi), sirpients semiacuaticas y cuantas especies de ranas.Green, J. (2009). Nilotic Lakes of the Western Rift. In H.J. Dumont (ed.). The Nile. Monographiae Biologicae. Vol. 89. Springer Science + Business Meya B.V. pp. 263–286. . Las aus acuaticas tamién son numerosas. Ramsar sites.
Referencias
Vinclos externos
Categoría:Lacos d'a Republica Democratica d'o Congo Categoría:Lacos d'Uganda Categoría:Lacos d'a Val d'o Gran Rift