Andregoto Galíndez, naixida probablement d'Aibar entre los anyos 900 y 910 y muerta probablement tamién en Aibar en 971 u 972, estió contesa d'Aragón entre lo anyos 922 y 925 y por o suyo matrimonio con García Sánchez I de Pamplona, reina consorte de Navarra dende os anyos 933 u 935 dica 970 (encara que estió repuyada conservó lo títol de reina). Yera filla d'o conte Galindo II Aznárez,
Solucionó lo problema churidico d'a ocupación d'o condau d'Aragón por parti de Sancho Garcés I de Pamplona, establindo un pacto en l'anyo 919, prometendo-se en matrimonio con o futuro García Sánchez I de Pamplona, que yera muito mas choven que no ella.
Encara que repuyada, conservó lo títol de reina y como tal encabezó, per eixemplo, de conchunta con Sancho II Garcés y la suya muller Urraca Ferrández la donación d'a villa de Xabierre-Martés a favor d'o monesterio de Sant Pero de Ciresa. Estando ya anciana y retirada en Lumbier se suposa que en ixe retiro fació meter per escrito a suya estirpe aragonesa dica la cheneración d'o suyo tartaravuelo Aznar I Galíndez, lo primer conte conoixiu d'Aragón.
Remató circa los suyos días, en 972 retirada en o suyo solar d'Aibar.
Árbol chenealochico
Referencias
Categoría:Consorts de monarcas de Navarra Categoría:Contes d'Aragón Categoría:Dinastía Galíndez Categoría:Muertos en Aibar Categoría:Naixius d'Aibar Categoría:900 (naixencias) Categoría:972 (muertes)