A Medalla d'a Ciudat Autonoma de Melilla (en castellano Medalla de la Ciudad de Melilla) ye una condecoración civil espanyola, atorgada por ista ciudat autonoma. Tiene por obchecto recompensar a personas y entidaz que haigan feito meritos consideraus notables por as autoridaz d'a ciudat de Melilla. Poseye un caracter honorifico ya que no conleva garra prestación economica. Ista condecoración se troba regulada en o Capítol IV d'o Reglamento de protocolo y ceremonial d'a Ciudat Autonoma de Melilla, aprebau por o Decreto numero 111, de 22 de marzo de 2007 y a suya concesión se fa por una norma especifica, o Reglamento pa a concesión d'honors y distincions d'a Ciudat Autonoma de Melilla. Poseye tres categorías:
Medalla d'Oro Medalla d'Archent Medalla de Bronce
Pa a suya concesión, ye necesaria a elaboración d'un informe previo en o que se constaten os meritos que la chustifiquen. L'Asembleya de Melilla ye l'organo encargau de conceder ista medalla por meyo d'alcuerdo, requerindo-se una mayoría cualificada de dos tercios d'o pleno d'a mesma pa a categoría d'oro y mayoría simpla pa as restants. S'impone en un acto publico de caracter solemne.
A insignia, ye fabricada en metal noble con un banyo que le da de l'apariencia asociada a cadaguna d'as suyas categorías. En o suyo anverso, con forma de pergamino heraldico y rematau con una corona reyal ubierta, amaneixe reproduciu o escudo d'a ciudat (con a suya corona incluyida) realizau en esmalte. En o suyo reverso puet leyer-se a lechenda "A Ciudat Autonoma de Melilla a o Merito" y o nombre d'a persona u institución condecorada. En o caso d'as personas, a insignia se leva penchada d'o cuello con un cordón dople, trenau, realizau en seda de color azul (quitau d'a bandera d'a ciudat) y dorau archentau u bronciau (en función d'a categoría). Chunto a la insignia s'entrega un diploma acreditativo.
Condecoraus 1995 Fernando Arrabal, (Espanya) 1996 Centro asistencial de Melilla, (Espanya) 1997 Chuan-Carlos I, (Espanya) 2000 Grupo de "Regulars de Melilla" nº 52, (Espanya) 2001 Universidat Nacional d'Educación a Distancia, (Espanya) 2004 21ª Escuadrilla d'Escoltas de l'Armada Espanyola 2005 Asociación de Pais de Ninos Especials (ASPANIES-FEAPS), (Espanya) 2006 A os municipios d'o mundo que han recibiu o nombre de Melilla 2007 A las Casas de Melilla 2008 Selección de futbol d'Espanya 2009 Unidat de Trasplants d'o Hespital Comarcal de Melilla, (Espanya) 2012 José Luis García Puche y Javier González Ferrón, (Espanya) 2013 Organización Nacional de Ciegos Espanyols (ONCE), (Espanya) 2014 Universidat de Granada, (Espanya) 2015 Alfredo Ramírez Fernández, (Espanya) 2016 Comandancia Cheneral de Melilla, (Espanya) 2017 Miguel Martín Bernardi y Club Scorpio, (Espanya) 2018 Yusef Abdeselam Kaddur, (Espanya) 2019 Mariano Remartínez Buera y Institucions Penitenciarias, (Espanya) 2020 Carlota Leret O'Neill, (Espanya) 2021 Eduardo Morillas, (Espanya). A títol postomo. 2022 Carlos Baeza Torres y Francisco Javier Imbroda Ortiz (a titol postumo), (Espanya) 2023 Institución d'a Chunta d'Andalucía, como representant d'o pueblo andaluz, (Espanya) 2024 Enrique Javier Remartínez Escobar, AECC y Observatorio de Ceuta y Melilla, (Espanya)
Se veiga tamién Ciudat Autonoma de Melilla
Fuents y referencias Decreto numero 111, de 22 de marzo de 2007, Reglamento de protocolo y ceremonial d'a Ciudat Autonoma de Melilla. Portalada d'a Ciudat Autonoma de Melilla. Consultau l'11 d'aviento de 2012. Reglamento pa la concesión d'honors y distincions d'a Ciudat Autonoma de Melilla. Protocolo.org. Consultau l'11 d'aviento de 2012.
Categoría:Cultura de Melilla