L'alquezrana ye una variedat d'oliva y olivera propia d'Alquezra y atros lugars suya redolada como Radiquero, Adauesca, Colungo, Buera, Huerta de Vero y Alberuela de la Liena. En Colungo y Asque se conoixe localment en castellano como manzanilla. Variedades de olivo del Somontano. Javier Viñuales Andreu Ye una d'as variedaz autoctonas prencipals definidas en a Denominación d'Orichen Aceite d'o Semontano, Pliego de condiciones de la DOP Aceite del Somontano. Septiembre 2024 ocupando a suya plantación en o Semontano bellas 440 hectarias.
Caracteristicas agronomicas As oliveras d'ista variedat son de porte endrezau, vigoría y densidat clara, creixendo as suyas brancas verticalment de forma tendencial. Se i pueden trobar oliveras prou antigas que encara continan en producción. Félix de Azara describió ya en primerías d'o sieglo XIX ista variedat d'olivera, afirmando que ta par d'alavez yera "20 vegadas mas abundant que a resta de variedaz d'a zona".
L'aceite provenient d'ista variedat d'oliva, que s'emplega exclusivament con ista finalidat, ye aromatico y d'una intensa color verda. A suya producción ye constant y regular toz os anyos. A grandaria d'o suyo fruito ye meya y tien forma ovoidal. A suya maduración ye tardana, por lo que bels fruitos no plegan a meter-se negros y mantienen una color vrioleta.
Referencias
Vinclos externos Alquezrana. Aceites Ferrer Variedades de España. Alquecerana.
Categoría:Alquezra Categoría:Variedaz d'oliva