miniaturadeimagen|Puerto pesquero de L'Ametlla de Mar miniaturadeimagen|L'Ametlla de Mar L'Ametlla de Mar, clamata tamién la Cala, ye un municipio d'a comarca d'o Baix Ebre en Catalunya.

Historia Realment bi ha pocos datos decumentals d'os primers nuclios de población de l'Ametlla de Mar dica o sieglo XVIII, cuan —debito a lo empente de población de Carlos III— surtió lo lugar moderno como nuclio pescador adintro d'o municipio d'el Perelló.

Coincidindo con l'arribata de pescadors valencianos a lo lugar (diversas fuents citan como procedencia Benidorm y o Grau de Valencia), l'Ametlla estió creixendo con cifras importants mientres o sieglo XIX y conseguió prencipiar o sieglo XX con 2.500 habitants.

Os anyos trenta estioron malos ta os habitants d'o lugar. Se producioron importants movimientos migratorios enta Palamós y, en menor meda, enta Roses. Istos movimientos se concentroron dende a postguerra civil dica o decenio d'os sisanta, en a cual corrients d'immigrants y turistas transformoron os nuclios de población d'o lugar.

Situación 200px|thumb|left|Situación de L'Ametlla de Mar en o Baixo Ebro. Ye situata en a zona costera entre o cabo de Terme a lo norte y o barranco de l'Àliga a lo sud. Muga a lo sud con o termin d'el Perelló, a lo nord-ueste con o de Tivissa (Ribera d'Ebro) y a lo nord-este con o de Vandellòs i l'Hospitalet de l'Infant (Baixo Campo).

Por os 14 km de costa que s'estendilla o termin municipal de l'Ametlla de Mar bi ha diferents nuclios dispersos de población (de norte ta sud, por a costa): Calafat. Sant Jordi d'Alfama. Les Tres Cales. L'Ametlla de Mar (nuclio urbán). Roques Daurades (d'antis mas Roques Dorades).

Economía A pesca contina estando una d'as prencipals actividaz d'o lugar. O puerto de l'Ametlla ha una ampla flota de barcos que s'adedican a las artes de l'arrocegue, l'encletamient, o tresmallo, etcetera, y que tamién ha la primera flota d'atoniners de Catalunya.

L'atra actividat important economicament d'o lugar ye o turismo y o sector servicios, que empentan, de conchunta, a creyación de nuevos establimientos locals ta dar un millor servicio a toz os turistas de l'Ametlla de Mar.

Demografía

Administración Alcaldes Lista d'alcaldes Lechislatura Nombre Partiu politico1979–1983 Pere Margalef i Vendrell Convergència i Unió1983–1987 Pere Margalef i Vendrell Convergència i Unió1987–1991 Pere Margalef i Vendrell Convergència i Unió1991–1995 Joan Font i Ballesteros / Pere Margalef i Vendrell Partido Popular / Convergència i Unió1995–1999 Joan Font i Ballesteros Partido Popular1999–2003 Antonio Espuny i Gaseni Partit dels Socialistes de Catalunya2003–2007 Andreu Martí i Garcia Convergència i Unió2007–2011 Andreu Martí i Garcia Convergència i Unió

Actividaz Fiestas locals: O 2 de febrero, a Mai de Dios d'a Candelera, patrona d'o lugar. Se fan bels actos mientres unos cuatro días de contenito cultural, esportivo y relichioso. O 29 de chunio, Sant Pere, patrón d'os pescadors. Se da una gambada a lo patrón en una embarcación trigata y se realizan diversas exposicions. O 29 de mayo, Corpus. Se decoran as carreras con elementos naturals. A Diada a lo castiello de Sant Chorche (Sant Jordi d'Alfama). Se realizan actividaz de tipo esportivo y gastronomico; sardinada popular, concursos de paellas y diversos torneyos de fútbol placha y voleibol. O primer cabo de semana d'Abril, a Feria Alternativa y de Productos Naturals, acompanyata d'a Muestra d'oficios antigos. A tradición ye celebrar-la en a Plaza Nueva (Plaça Nova).

Esportes: Diada d'a bicicleta. S'organiza l'1 de mayo, y os participants realizan o trazato L'Ametlla de Mar - Mas Platé en bicicleta, escoltatos por as autoridaz. Astí se fan diversas competicions y chuegos esportivos infantils y botifarrata y sardinas ta os mas grans. Fútbol. Cada cabo de semana, en a nueva zona esportiva se chugan diferents Partius de futbol de todas as categorías que organiza o Patronato Municipal d'Esportes y a SCER Ametlla de Mar. Remo. Anque encara ye una d'as nuevas seccions d'o Patronato, ya compite en a liga catalana con dos tripulacions masculinas y una atra femenina.

Servicios Servicios educativos: IES Mare de Déu de la Candelera Centro Infantil Xerinola CEIP Sant Jordi Escuela de Capacitación Nauticopesquera de Catalunya

Servicios sanitarios y de seguridat ciudadana: CAP Ametlla de Mar Pompers Policía Local Guardia Civil

Servicios d'ocio y cultura: Club Nautico (225 amarres de capacidat) Biblioteca Municipal Dr.Frías Sala SCER (Polivalent) Sala d'exposicions d'arte Telecentro (C/Pau Casals, 74 Tel. 977 45 72 69) Circuito de Calafat (motor) Zona esportiva municipal (campo de fútbol, tenis, piscina (en construcción) y pista polisportiva (en construcción))

Comunicacions Se puede arribar a l'Ametlla de Mar por: L'autopista AP-7 (Sortida 39) A carretera N-340 A linia ferroviaria Barcelona-Valencia (Renfe) Por mar: Club Nautico L'Ametlla de Mar (977457240), Puerto de Calafat (977486181), Puerto Esportivo de Sant Jordi d'Alfama (977486189)

Se veiga tamién Ametlla de Mar Observatory.

Vinclos externos

Webs oficials Concello. Patronato de Turismo. Servicios d'o Concello.

Webs d'organismos y/u asociacions oficials IES Mare de Déu de la Candelera. Patronato Municipal d'Esportes.

Webs personals con información interesant L'Ametlla de Mar (La Cala.)

Categoría:L'Ametlla de Mar