L'Academia de Lochistica (en castellano Academia de Logística, ACLOG) perteneixient a l'Exercito de Tierra espanyol ye un centro de formación especializau en as ensenyanzas d'ambito lochistico. Ye situada en l'Acuartelamiento “Barón de Warsage” d'a ciudat de Calatayú (Zaragoza).
Historia A construcción d'o debantdito acuartelamiento prencipió en 1923 y rematadas as suyas obras, cuatre anyos dimpués, recibió o nombre d'"Acuartelamiento Infante Jaime". Con a plegada d'a Segunda Republica se cambió o nombre y, dimpués de rematar a Guerra Civil Espanyola, pasó a decir-se "Acuartelamiento Barón de Warsage", nombre que conserva en l'actualidat. A o menos entre chinero de 1938 y mayo de 1939, o bando sublevau habilitó l'edificio como campo de concentración de presoners republicanos; plegó a doblar a suya capacidat maxima de 300 internos. "Los campos de concentración de Franco". Campo de concentración de Calatayud. Carlos Hernández de Miguel. Penguin Random House, 2019.
Dende a suya creyación ha albergau cuantas unidaz d'artillería y una de incheniers, estando o suyo pasau encara visible en bels elementos ornamentals d'as partis mas antigas de l'acuartelamiento. En 1974 se estableixió a Escuela de Formación Profesional n.º 2 de l'ExercitoPor Orden de 2 d'octubre de 1974 (Diario Oficial d'o Ministerio de l'Exercito nº 224 de 4 d'octubre de 1974), se creya en Calatayú (Zaragoza), a Escuela de Formación Profesional nº 2. y dos anyos mas tardi cambió a suya denominación por a d'IPE n.º 2, sieglas de l'Instituto Politecnico n.º 2 de l'Exercito.Por Orden de 22 d'octubre de 1976 (Diario Oficial d'o Ministerio de l'Exercito nº 247 de 29 d'octubre de 1976), se cambea de denominación a las Escuelas de Formación Profesional nº 1 y 2 de l'Exercito de Tierra por la d'Institutos Politecnicos nº 1 y nº 2 de l'Exercito de Tierra (IPE's nº1 y nº2). En l'anyo 2001 se creya l'Academia de Lochistica, en a que s'integran tres centros docents que teneban d'un denominador común, as ensenyanzas en o marco d'a lochistica, como estioron a Escuela de Lochistica y l'Instituto Politecnico n.º 1, os dos de Madrit, y l'Instituto Politecnico n.º 2 de Calatayú. Academia de Logística de Calatayud. Diez años en el corazón del Ejército A Orden Ministerial numero 138/2001, de 21 de chunio, cambea a denominación de l'Instituto Politecnico nº 2 de l'Exercito de Tierra (IPE nº2 de l'ET) por la d'Academia de Lochistica (ACLOG) y se dan normas sobre concentración d'especialidaz en a mesma, completada con a Instrucción 230/01, de 18 d'octubre.
As diferents transformacions d'as instalacions pa albergar con eficacia os nuevos retos acomandaus a ista choven Academia espanyola, y o volumen d'alumnos que se forman en ella, alto u baixo 2000 entre ensenyanzas de formación y perfeccionamiento, fan que a mesma siga o referent actual en o campo lochistico de l'exercito espanyol.
Notas
Referencias
Vinclos externos Academia de Lochistica
Categoría:Fuerzas armadas en Aragón Categoría:Academias militars d'Aragón Categoría:Edificios de Calatayú