Pedro de Librana (? - ca. 1128) estió un relichioso aragonés que fue nombrau bispe de Zaragoza.
Se tractaba d'un monche d'orichen biarnés, "Nota sobre el obispo Esteban". En Estudios Altoaragoneses. Antonio Ubieto Arteta. Ed. Argensola 29: 59-64. 1957 a qui fue confiada a organización d'o territorio zaragozano dimpués d'a suya conquista a os musulmans en 1118. A suya elección probablement se debiera a la tensa relación que o papa Chelasio II teneba con o prencipal relichioso aragonés y posible candidato d'o rei, o bispe Istevan de Uesca. Os conflictos d'Istevan con atras autoridaz eclesiasticas como os bispes Remón de Roda u Guillén de Pamplona, favoreixerían a un relichioso no inscrito en os conflictos locals.
Como primer bispe d'a ciudat reconquistada s'encargó de reconvertir as mesquitas en ilesias (destacando a conversión d'a mesquita mayor en a Seu de Zaragoza) y repartir-las entre os nuevos duenyos d'a ciudat. Una d'as suyas obras mas destacadas estió a construcción d'una primitiva ilesia romanica en o Pilar, sobre l'antiga capiella que astí existiba. Basílica del Pilar Tamién estableixió as mugas d'a diocesi, mas que mas debant d'as seus tradicionals d'o Pireneu, y logró que o capítol de Roda d'Isabana ninviara parti d'as reliquias atribuyidas a sant Valero, bispe zaragozano en a epoca romana. "Teatro historico de las iglesias del reyno de Aragon". Fray Lamberto de Zaragoza y Ramón de Huesca. Vol. 2. Ed. J.M. de Ezquerro, 1782
Mientres o suyo episcopau tamién fació parti d'as asembleyas en as que se decidió a creyación d'a Cofadría de Belchit y a Orden militar de Mont-reyal, destinadas a reforzar a muga d'as tierras recientement conquistadas a l'islam. Fació parti tamién d'a expedición militar d'Alfonso I d'Aragón por Al-Andalus.
Morió arredol de 1128, existindo disputas sobre a calendata exacta.
Referencias
Vinclos externos Bishop Pedro de Librana en Catholic-Hierarchy.
</center>
Categoría:Bispes de Zaragoza