Martín Terrer de Valenzuela (Daroca, 14 d'abril de 1549 - Zaragoza, 28 de noviembre de 1631) estió un relichioso aragonés d'os sieglos XVI y XVII que ocupó as seus episcopals de Albarracín, Teruel, Tarazona y Zaragoza.
Biografía Naixiu de Daroca d'una familia relichiosa, estudió en a Universidat de Alcalá de Henares a on estió profesor antis de tornar ta o suyo país. Mientres os suyos posteriors episcopaus promovió os lazos con a suya alma mater complutense como meyo pa guarenciar a formación d'a clerecía a o suyo cargo. Estió posteriorment canonche en Teruel y Zaragoza, en os dos casos baixo a protección d'Andrés Santos de Sanpedro, y limosnero d'a Seu de Zaragoza.
defensor d'o partiu reyal en as Corz de Tarazona de 1592 que siguioron a las alteracions d'Aragón, fue premiau a l'anyo siguient por Felipe I con o cargo de bispe d'Albarracín. En 1596 pasó a la seu de Teruel, que ocuparía mientres cuasi dos decadas. Promotor d'a Universidat d'Alcalá como fuent de formación pa os suyos relichiosos, establió o Colechio d'Aragón. Politicament estió tamién deputau en as Corz d'Aragón por o brazo eclesiástico en a suya calidat de bispe, lo que le levó a residir habitualment en Zaragoza.
En 1614 fue transferiu ta a diocesi de Tarazona. Continó estando un fidel partidario d'o rei y dimpués d'as Corz de Barbastro de 1626, a on se planteyó a Unión d'Armas, fue nombrau Consellero d'Estau a l'anyo siguient y arcebispe de Zaragoza en 1629. Morió poco dimpués, en 1631.
Bibliografía Terrer de Valenzuela, Martín. Gran Enciclopedia Aragonesa Biografía en Xilocapedia, obra d'o Centro de Estudios del Jiloca
Categoría:Agostinos Categoría:Arcebispes de Zaragoza Categoría:Arcebispes d'Aragón Categoría:Bispes d'Albarracín Categoría:Bispes de Teruel Categoría:Bispes de Tarazona Categoría:Bispes d'Aragón Categoría:Naixius de Daroca Categoría:Muertos en Zaragoza Categoría:1549 (muertes) Categoría:1631 (muertes)