Miguel Serveto y Conesa (tamién conoixito como Miguel Servet, Miguel de Vilanova, Michel de Villeneuve u, en latín, Michael Servetus) estió un teologo y cientifico aragonés, naixito o 29 de setiembre de 1511 de Villanueva de Xixena (de Tudela seguntes bellas tradicions), encara que a calendata exacta de naiximiento ye incierta, y muerto o 27 d'octubre de 1553).
Os suyos intreses abastoron muitas ciencias: l'astronomía y a meteorolochía, a cheografía, a churisprudencia, a teolochía y o estudio d'a Biblia, as matematicas, l'anatomía y a medicina.
Publicó bels libros polemicos como De Trinitatis erroribus (D'as Errors arredol d'a Trinidat) en 1531 o cual negaba o dogma d'a Santisma Trinidat, establito en o Primer Concilio de Nicea y que dice que Pai, Fillo y Esprito Santo son un mesmo Ser. Isto li fació tener frontinazos tanto con cristianos catolicos romanos como con cristianos protestants.
S'exelló bels anyos en Francia, a on que vivió con a identidat de Michel de Villeneuve. Ya en 1546 escribe Christianismi Restitutio (A torna d'o Cristianismo) que ninvía ta Calvín, con qui ya heba tenito relación antis en París. Iste lo leye y lo convida a leyer o suyo libro Institutio religionis Christianae (Institución d'a Relichión Cristiana), que publicoron en 1536. Servet lo leyió, fendo-ie a-saber-las anotacions criticas en a marguin d'as fuellas y tornando-li atra vegata a copia correchita ta Calvín, a o qui no li cuacó y li dició a Serveto que si meteba os suyos piez en a ciudat de Chinevra no'n saldría con vida.
En un viache de Servet enta Italia, pasaba por Chinevra y i fació una chicota estata. Lo reconoixioron en a ilesia a on que predicaba Calvín, detenito y chuzgato por hereche por a suya negación d'a Trinidat y a esfensa d'o baptismo en a edat adulta. Lo condenoron a morir cremato en a foguera con o suyo libro o día 26 d'octubre de 1553.
Vinclos externos
Vita y obra de Miguel Servet. // Instituto de Estudios Sijenenses Miguel Servet.
Categoría:Medicos d'Aragón Categoría:Muertos en Chinevra Categoría:Naixius de Villanueva de Xixena Categoría:Profesors d'a Universidat de Zaragoza Categoría:Cientificos d'Aragón Categoría:Teologos d'Aragón Categoría:1511 (naixencias) Categoría:1553 (muertes)