Iste articlo ye sobre una cinta de cine de drama historico biografico de cine britanico de 1970; ta atros usos, se veiga Cromwell.

Cromwell (títol orichinal, estrenada en Aragón con ixe mesmo títol) ye una cinta de cine de drama historico epico biografico coproducida por o cine britanico y lo cine estausunidense, estrenada l'anyo 1970, dirichida por Ken Hughes seguntes un guión orichinal d'él mesmo, con una banda sonora orichinal de Frank Cordell, una dirección de fotografía de Geoffrey Unsworth, una producción cinematografica d'Irving Allen ta la suya productora cinematografica (Irving Allen Productions) y un elenco d'actors d'o cual en fan parte, entre d'atros, Richard Harris, Alec Guinness, Robert Morley, Dorothy Tutin, Frank Finlay, Timothy Dalton, Patrick Wymark, Patrick Magee, Nigel Stock, Charles Gray, Michael Jayston, Douglas Wilmer, Geoffrey Keen, Stratford Johns, Ian McCulloch, Patrick O'Connell, Anna Cropper, Jack Gwillim, Anthony May, Stacy Dorning, Zena Walker, John Welsh y Robin Stewart.

A cinta conta la vida d'Oliver Cromwell, un puritano fervient y antigo miembro d'o Parlamento d'Anglaterra que vive en o campo. Bel día comienza a criticar a politica d'o rei Carlos I d'Anglaterra en comenzar os suyos vecins a tener problemas con l'uso d'as tierras comunals que lo rei cede a ricos terratenients y mas que mas en prencipiar-se a introducir en a Ilesia Anglicana bels rituals que considera amanaus a lo catolicismo. Cromwell heba decidiu marchar con a suya familia enta las colonias en America pero finalment os suyos amigos consiguen convencer-lo ta que remanie y torne a partecipar en a vida politica. O rei, que amenista diners ta financiar o suyo exercito ta fer frent a una invasión d'os escoceses, decide convocar a lo Parlamento, que fea 12 anyadas que no s'heba reuniu, y los puritanos mas exaltaus veyen a suya oportunidat de doblegar a politica d'o rei. Tanimientres, o rei, impregnau d'a concepción de l'orichen divino d'o suyo poder reyal, decide fer presos a cinco destacaus puritanos miembros d'o Parlamento y esclata la guerra entre lo rei y lo Parlamento. Cuan l'exerciro puritano ye redotau en a batalla d'Edgehill, Cromwell, con l'aduya de Thomas Fairfax, creya un nuevo exercito, clamau nuevo exercito modelo, conseguindo la victoria en a batalla de Naseby (encara que uno de sus fillos muere en a batalla) y obligando a lo rei a pactar. Tanimientres, bien luego torna la guerra y consigue capturar a lo rei. Encara que aparentment Carlos accepta bellas condicions, Cromwell descubre que ye fendo chestions ta que atros países catolicos ataquen a Anglaterra y recuperar o suyo poder absoluto y fa que lo Parlamento chuzgue a lo rei por alta traición y lo condene a muerte. Posteriorment, Cromwell luita contra lo Parlamento y remata por establir una autentica dictadura, autidenominando-se "Lord protetor" y establindo lo clamau "O Protectorau" a on atúa cuasi que como rei.

A cinta s'ambienta en Londres, Oxford y atros puestos d'Anglaterra mientres os anyos 1640 y 1650 y las suyas escenas se filmoron en Hatfield (Hertfordshire) en o Reino Uniu y en a sierra d'Urbasa y Pamplona en Navarra en Espanya, amás d'en os Shepperton Studios en Shepperton (Surrey). Localizacions de Cromwell en Internet Movie Database.

Cromwell ye una cinta que ha recibiu cuantos premios y nominacions, en destacando un Preio Oscar a lo Millor Disenyo de Vestuario y una nominación a la Millor Banda Sonora Orichinal en a 43ena edición d'os Premios Oscar, una nominación a los Premios BAFTA (Millor Disenyo de Vestuario) en a suya 24ena edición y una nominación a los Premios Globos d'Oro (Millor Banda Sonora Orichinal) en a suya 28ena edición.

Elenco Cromwell en Internet Movie Database. Actor Papel Notas ''''

Se veiga tamién Cine en 1970. Cintas de 1970.

Referencias

Vinclos externos Cromwell en Internet Movie Database. Cromwell en TCM Movie.

Categoría:Cintas ambientadas en Anglaterra Categoría:Cintas ambientadas en Londres Categoría:Cintas ambientadas en Oxford Categoría:Cintas ambientadas en os anyos 1640 Categoría:Cintas ambientadas en os anyos 1650 Categoría:Cintas con banda sonora orichinal de Frank Cordell Categoría:Cintas con dirección de fotografía de Geoffrey Unsworth Categoría:Cintas con guión de Ken Hughes Categoría:Cintas con montache de Bill Lenny Categoría:Cintas de cine biografico Categoría:Cintas de cine de drama Categoría:Cintas de cine epico Categoría:Cintas de cine historico Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Ken Hughes Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Alec Guinness Categoría:Cintas interpretadas por Anna Cropper Categoría:Cintas interpretadas por Anthony May Categoría:Cintas interpretadas por Charles Gray Categoría:Cintas interpretadas por Dorothy Tutin Categoría:Cintas interpretadas por Douglas Wilmer Categoría:Cintas interpretadas por Frank Finlay Categoría:Cintas interpretadas por Geoffrey Keen Categoría:Cintas interpretadas por Ian McCulloch Categoría:Cintas interpretadas por Jack Gwillim Categoría:Cintas interpretadas por John Welsh Categoría:Cintas interpretadas por Michael Jayston Categoría:Cintas interpretadas por Nigel Stock Categoría:Cintas interpretadas por Patrick Magee Categoría:Cintas interpretadas por Patrick O'Connell Categoría:Cintas interpretadas por Patrick Wymark Categoría:Cintas interpretadas por Richard Harris Categoría:Cintas interpretadas por Robert Morley Categoría:Cintas interpretadas por Robin Stewart Categoría:Cintas interpretadas por Stacy Dorning Categoría:Cintas interpretadas por Stratford Johns Categoría:Cintas interpretadas por Timothy Dalton Categoría:Cintas interpretadas por Zena Walker Categoría:Cintas producidas por Irving Allen Categoría:Cintas rodadas en Hatfield (Hertfordshire) Categoría:Cintas rodadas en Navarra Categoría:Cintas rodadas en Pamplona Categoría:Cintas rodadas en Shepperton