Pa a pieza de fusta pa zarrar una puerta se veiga tranga 300px|thumb|Una tranga Una tranga ye un personache tipico de bels carnavals tradicionals d'Aragón. En l'actualidat s'asocian prencipalment a o carnaval de Bielsa, encara que d'antis mas yeran activas en atras poblacions altoaragonesas como Sasa de Sobrepuerto u Torla. El carnaval en Aragón. Colección CAI 100, n° 80.
Descripción As trangas son representadas por mozos disvrazaus con camisas y luengas faldas. Se cubren a esquena y o tozuelo con piels y cuernos de buco. Pa fer-las encara mas fierizas se pintan a cara de negro con aceite y follín y se meten trunfas en a boca pa fer de dients. En a cintura levan penchadas grans esquillas de forma que fan rudio en caminar y mover-se. As trangas buscan a las madamas pa bailar con ellas.
Significau Por o suyo aspecto y comportamiento s'asocian con ritos ancestrals de fertilidat. O nombre de "tranga" viene d'as luengas trangas de fusta que levan y que fan servir pa trucar en tierra y mirar de devantar as faldas d'as mesachas. En o norte de Cinco Villas existiban feguras parellanas que se deciban "esquilons" (Salvatierra), "mascarons" (Lobera d'Onsella) u "cuernazos" (Pintano), mientres que en a ribera d'o río Martín les ne deciba "carazas". En Sigüés yeran os ninos qui se meteban a cara fosca y penchaban d'o cuello esquillas.
Referencias
Categoría:Carnaval en Aragón Categoría:Disvraces de carnaval