A seu d'a Visitación d'Augsburg (en alemán Dom Mariä Heimsuchung) ye una seu catolica d'a ciudat d'Augsburg, Bavera (Alemanya). A suya construcción prencipió en o sieglo XI en estilo romanico, encara que en o sieglo XIV se i facioron adicions en estilo gotico. A seu, chunto con a Basilica de Sant Ulrico y Santa Afra d'Augsburg, ye una d'as prencipals atraccions turisticas d'a ciudat.
Historia A seu, se troba situada adintro d'as murallas de l'antiga ciudat romana d'Augusta Vindelicorum, capital d'a provincia romana de Recia; a ilesia se troba posiblement en o puesto ocupau por un edificio preexistent que pudo haber estau construyiu arredol d'o sieglo IV, seguntes as restas trobadas en a zona. A primera ilesia devantada en iste puesto data de l'anyo 822. L'edificio resultó danyau mientres as incursions machiars y se restauró en 923, baixo o mandato d'o bispe Ulrico d'Augsburg. Tamién se i facioron treballos de reconstrucción en 994, cuando l'abside ueste s'espaldó; a restauración se fació baixo o mandato d'a emperadriz consort Adelaida d'Italia. O bispe Henrique III encargó a construcción de l'actual estructura romanica que se remató en 1065. As dos torres que son visibles dende toda a ciudad se rematoron en 1075. Entre 1331 y 1431 s'adhibioron a-saber-los elementos goticos, incluyiu un d'os coros.
Mientres a reforma protestant, se destruyió a mayor parti d'a suya decoración artistica interior, encara que bellas zonas fuoron obchecto d'una posterior restauración. L'interior que fue redecorau en estilo barroco mientres o sieglo XVII, tornó parcialment a la suya apariencia medieval mientres o sieglo XIX, con l'adición de bels elementos neogoticos. En 1565 se devantó una d'as torres. A iglesia no sofrió danyos grieus mientres a Segunda Guerra Mundial.
Descripción arquitectonica O templo tien bellas caracteristicas poco usuals como son l'ausencia d'una verdadera frontera y a existencia de dos coros. Tien una planta basilical con una nau prencipal y tres naus laterals y ye mas que mas construyida de ladriello royo, con refirme de contrafuertes. L'abside occidental ye precediu d'un crucero. Tien tamién dos coros y dos torres, rematadas en un frontón y chapistels d'arambre.
En a plaza, debant d'a ilesia se troban os alacez d'a ilesia de Sant Chuan d'o sieglo X y as restas d'as antigas murallas romanas. Seu d'Augsburgo en a pachina d'o concello d'a ciudat
Referencias
Vinclos externos
Seu d'Augsburg en a pachina d'o concello d'a ciudat
Augsburg Categoría:Molimentos d'Augsburg Categoría:Ilesias de Bavera * Categoría:Ilesias goticas d'Alemanya Categoría:Ilesias romanicas d'Alemanya Categoría:Ilesias d'Alemanya adedicadas a santa María