Iste articlo ye sobre una cinta estausunidense de 2007 de cine d'intriga policiaca y chudicial dirichida por Gregory Hoblit; ta atros usos, se veiga Fracture y Fracture (cinta).
Fracture (títol orichinal en anglés, en aragonés Fractura, estrenada en Aragón con o suyo títol orichinal) ye una cinta de cine d'intriga policiaco de chudicios de cine estausunidense dirichida por Gregory Hoblit seguntes un guión adaptau por Daniel Pyne y Glenn Gers (basau en una historia de Daniel Pyne), con una banda sonora orichinal de Mychael Danna y Jeff Danna, una dirección de fotografía de Kramer Morgenthau y una producción cinematografica de Louise Rosner y Charles Weinstock ta las productoras Castle Rock Entertainment, Weinstock Entertainment y M7 Filmproduktion. De l'elenco d'actors d'a cinta en fan parte, entre d'atros, Anthony Hopkins, Ryan Gosling, David Strathairn, Rosamund Pike, Embeth Davidtz, Billy Burke, Cliff Curtis, Fiona Shaw, Bob Gunton, Xander Berkeley, Alla Korot, Tom Virtue, Josh Stamberg y Zoe Kazan.
Theodore "Ted" Crawford ye un cabalero irlandés resident en os Estaus Unius que descubre que su muller Jennifer ye l'amant de Robert Nunally, un miembro d'a Policía. Dimpués d'asegurar que en ye l'amant, Crawford dispara a la cabeza de su muller y clama a la Policía, plegando un grupo d'achents entre los cuals de troba Nunally, a qui Crawford li confiesa haber matau a su muller. Cuan Nunally reconoix a la victima ye provocau por Crawford, a qui agrede. Jennifer queda en estau de coma y Crawford ye acusau d'asasinato en grau de tentativa. Cuan se troba en presón preventiva tamién provoca a lo fiscal adchunto d'o districto William "Willy" Beachum conseguindo que creiga que ye un caso bien fácil y que accepte la ubertura de chudicio sin estar prou bien preparau. Beachum ye bien amán de deixar lo treballo de fiscal ta dentrar en un prestichioso bufet d'avogaus y creye que iste caso li servirá ta dar una magnifica imachen, pero Crawford demana defender-se él mesmo, sin avogau, y bien luego introduz en o chudicio que l'achent que l'arrestó yera l'amant de su muller y que l'heba agrediu mientres a detención. Con ixo consigue que quede invalidadada la confesión de culpabilidat que heba feito, a la vegada que accepta que toz os testigos conffirmen que él yera en a casa y que teneba una pistola. Pero Beachum descubre que ixa pistola no s'heba emplegau en os disparos y que no bi ha garra atra pistola en l'edificio. En esvoldregar-se todas as prebas incriminatorias, Nunally proposa fer servir prebas falsas pero Bichum s'oposa. En no disposar de garra preba lo chuez se veye obligau a declarar a inocencia de Crawford. Nomás que queda libre, Nunally se suicida y Beachum veye comprometiu o suyo posible treballo en o bufet. Y cuan Crawford decide desconnectar a su muller d'as maquinas que li permiten seguir vivindo, Beachum decide continar en a Fiscalía y amás treballa tot o posible en investigar cualsiquier posibilidat de tornar a acusar a Crawford cantiando lo principio d'o Dreito Penal de "non bis in idem".
A cinta s'ambienta en a suya epoca actual (2007) en a ciudat de Los Angeles (California) en os Estaus Unius y las suyas escenas se filmoron en Burbank, Los Angeles y Santa Monica (California). Localizacions de Fracture en Internet Movie Database.
Fracture ye una cinta que ha recibiu bels premios y nominacions, pero garra d'éls no fa parte d'os premios cinematograficos mas conoixius u destacaus.
Elenco Fracture en Internet Movie Database. Actor Papel Notas ''''
Se veiga tamién Cine en 2007. Cintas de 2007.
Referencias
Vinclos externos Fracture en Internet Movie Database. Fracture en Box Office Mojo. Fracture en Rotten Tomatoes.
Categoría:Cintas ambientadas en Los Angeles Categoría:Cintas ambientadas en 2007 Categoría:Cintas con banda sonora orichinal de Jeff Danna Categoría:Cintas con banda sonora orichinal de Mychael Danna Categoría:Cintas con dirección de fotografía de Kramer Morgenthau Categoría:Cintas con guión de Daniel Pyne Categoría:Cintas con guión de Glenn Gers Categoría:Cintas con montache de David Rosenbloom Categoría:Cintas de cine de chudicios Categoría:Cintas de cine d'intriga Categoría:Cintas de cine policiaco Categoría:Cintas d'Alemanya Categoría:Cintas d'Estaus Unius Categoría:Cintas dirichidas por Gregory Hoblit Categoría:Cintas en anglés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Alla Korot Categoría:Cintas interpretadas por Anthony Hopkins Categoría:Cintas interpretadas por Billy Burke Categoría:Cintas interpretadas por Bob Gunton Categoría:Cintas interpretadas por Cliff Curtis Categoría:Cintas interpretadas por David Strathairn Categoría:Cintas interpretadas por Embeth Davidtz Categoría:Cintas interpretadas por Fiona Shaw Categoría:Cintas interpretadas por Josh Stamberg Categoría:Cintas interpretadas por Rosamund Pike Categoría:Cintas interpretadas por Ryan Gosling Categoría:Cintas interpretadas por Tom Virtue Categoría:Cintas interpretadas por Xander Berkeley Categoría:Cintas interpretadas por Zoe Kazan Categoría:Cintas producidas por Charles Weinstock Categoría:Cintas producidas por Louise Rosner Categoría:Cintas rodadas en Burbank Categoría:Cintas rodadas en Los Angeles Categoría:Cintas rodadas en Santa Monica (California)