The Karate Kid Part III (títol orichinal en anglés, en aragonés O zagal de karate parti III, estrenada en Aragón con o títol en castellano de Karate Kid III: El desafío final, en aragonés Karate Kid III: o desafío final) ye una cinta de cine estausunidense de cine de drama d'artes marcials estrenada l'anyo 1989, dirichida por John G. Avildsen seguntes un guión orichinal de Robert Mark Kamen, con una banda sonora orichinal de Bill Conti, una dirección de fotografía de Steve Yaconelli y una producción cinematografica de Jerry Weintraub ta la productora cinematografica Columbia Pictures. A cinta conta con un elenco d'actors d'o cual en fan parte, entre d'atros, Ralph Macchio, Pat Morita, Thomas Ian Griffith, Robyn Lively, Sean Kanan, William Christopher Ford, Jonathan Avildsen, Martin Kove, Randee Heller, Pat Johnson, Rick Hurst, Frances Bay, Joseph V. Perry, Jan Tříska, Gabriel Jarret y Glenn Medeiros.
The Karate Kid Part III ye la tercera cinta d'a franquicia cinematografica The Karate Kid, dimpués de The Karate Kid Part II (1986, John G. Avildsen) y que continó con The Next Karate Kid (1994, Christopher Cain) y en ista tercera cinta Daniel LaRusso contina la suya amistat con o sinyor Miyagi. Se troban con que John Kreese, lo malvau propiatario d'o "Cobra Kai", s'ha aperrau y contacta con Terry Silver, un cabalero traficant de bricalla toxica a qui heba conoixiu mientres a Guerra de Vietnam, a on toz dos heban estau miembros d'a United States Army Special Forces. Iste decide aduyar-lo y vengar-se de Daniel y d'o sinyor Miyagi, ninvía a Kreese a relaxar-se en Tahití y se presenta debant d'éls como si estase un representant d'o grupo de karate d'o que pendeba lo Cobra Kai y que viene a presentar desincusas por l'actuación de John Kreese. Pero en realidat ha alcordau con Mike Barnes, un choven karateka conoixiu por o suyo mal comportamiento como esportista, que provoque a Daniel ta que combata en un torneyo de karate local de Los Angeles a on poder fer-li lo maximo mal posible. Aproveitan amás que Daniel tien ganas de partecipar en ixe torneyo y que Miyagi prefiere que no lo faga ta deseparar-los a toz dos y ta fer que Terry aparente entrenar a Daniel cuan en realidat o que fa ye provocar-le dolor y lesions fisicas en fer-lo escarapellar elementos de metal u de fusta con mans y piez. Amás ta presionar a toz dos, asaltan o negocio que Daniel y Miyagi han funfau, un negocio de venda de bonsais.
The Karate Kid Part III s'ambienta en a suya epoca actual (1989) en Los Angeles y las suyas escenas se filmoron en ixa mesma ciudat, en Burbank, Malibu y en atros puestos de California. Localizacions de The Karate Kid Part III en Internet Movie Database.
Ye una cinta que ha recibiu bellas nominacions, pero en iste caso no se tracta d'unas nominacions elochiosas, en tractar-se de cinco nominacions a los Premios Golden Raspberry, que "premian" a las peyors cintas de l'anyo.
Elenco The Karate Kid Part III en Internet Movie Database. Actor Papel Notas ''''
Se veiga tamién Cine en 1989. Cintas de 1989.
Referencias
Vinclos externos The Karate Kid Part III en Internet Movie Database.
Categoría:Cintas ambientadas en Los Angeles Categoría:Cintas ambientadas en 1989 Categoría:Cintas con banda sonora orichinal de Bill Conti Categoría:Cintas con dirección de fotografía de Steve Yaconelli Categoría:Cintas con guión de Robert Mark Kamen Categoría:Cintas con montache de John Carter Categoría:Cintas con montache de John G. Avildsen Categoría:Cintas de cine d'artes marcials Categoría:Cintas de cine de drama Categoría:Cintas d'Estaus Unius Categoría:Cintas dirichidas por John G. Avildsen Categoría:Cintas en anglés Categoría:Cintas en Color by DeLuxe Categoría:Cintas interpretadas por Frances Bay Categoría:Cintas interpretadas por Gabriel Jarret Categoría:Cintas interpretadas por Glenn Medeiros Categoría:Cintas interpretadas por Jan Tříska Categoría:Cintas interpretadas por Jonathan Avildsen Categoría:Cintas interpretadas por Joseph V. Perry Categoría:Cintas interpretadas por Martin Kove Categoría:Cintas interpretadas por Pat Johnson Categoría:Cintas interpretadas por Pat Morita Categoría:Cintas interpretadas por Ralph Macchio Categoría:Cintas interpretadas por Randee Heller Categoría:Cintas interpretadas por Rick Hurst Categoría:Cintas interpretadas por Robyn Lively Categoría:Cintas interpretadas por Sean Kanan Categoría:Cintas interpretadas por Thomas Ian Griffith Categoría:Cintas interpretadas por William Christopher Ford Categoría:Cintas producidas por Jerry Weintraub Categoría:Cintas rodadas en Burbank Categoría:Cintas rodadas en California Categoría:Cintas rodadas en Los Angeles Categoría:Cintas rodadas en Malibu