Iste articlo ye sobre una cinta estausunidense de cine d'intriga de 2024; ta atros usos, se veiga Trap y Trap (cinta).
Trap (títol orichinal en anglés, en aragonés Trampa, estrenada en Aragón con iste zaguer títol) ye una cinta de cine d'intriga policiaca producida por o cine estausunidense y lo cine canadiense, estrenada l'anyo 2024, dirichida por M. Night Shyamalan seguntes un guión orichinal d'él mesmo, con una banda sonora orichinal de Herdís Stefánsdóttir, una dirección de fotografía de Sayombhu Mukdeeprom y una producción cinematografica d'Ashwin Rajan, Marc Bienstock y M. Night Shyamalan. Conta con un elenco d'o cual en fan parte, entre d'atros, os actors Josh Hartnett, Ariel Donoghue, Saleka Night Shyamalan, Alison Pill, Hayley Mills, Jonathan Langdon, Mark Bacolcol, Marnie McPhail-Diamond, Scott Mescudi y Russ.
Cooper ye un bombero de Philadelphia (Pennsilvania) que leva a su filla adolescent, Riley, a un concierto d'a suya cantaire favorita de musica pop, Lady Raven. Tot pareixe normal dica que Cooper comienza a veyer una presencia masiau important de Policía en o puesto a on se celebra lo concierto. Deixa a su filla a ratos sola ta inspeccionar o recinto y finalment se fa amigo de Jamie, qui treballa en a venda de camisetas y finalment li explica que son buscando a un perigloso asasino en serie clamau O carnicero porque la Policía ha recibiu bel aviso de que será present en ixe concierto. Cooper se fa evident que ye l'asasino que bscan y se veye atrapau y sin posibilidaz de marchar libre. Fa bels intentos de salir de l'estadio a on s ecelebra lo concierto, plegando mesmo a robar la identificación se Jamie, a qui ha sonsacau mesmo la clau que han de decir os treballadors a la Policía cuan se troben fuera d'os suyos puestos de treballo. Tanimientres, no consigue marchar. Consigue con enganyos que su filla amanixca en o escenario mientres una canción de Lady Raven y demana marchar por puerta rabera, pero veye que tamién li caldrá pasar un control policial. Finalment demana charrar un momento a solas con Lady Raven y li explica que tien a un choven secuestrau y que morirá en poquet tiempo y que lo deixará morir si no consigue marchar en l'auto con ella. Con ixe chantache, la mesacha accepta fer marchar a Cooper y a su filla (que no sabe qui ye en realidat su pai) de l'estadio, pero Cooper no conta con la habilidat de Lady Raven.
A cinta s'ambienta en Philadelphia (Pennsilvania) en a suya epoca actual (2014) y las suyas escenas se filmoron en Hamilton, Mississauga y Toronto (Ontario) en Canadá. Localizacions de Trap en Internet Movie Database.
Trap ha recibiu bels premios y noninacions, encara que garra d'éls no fa parte d'os premios cinematograficos mas conoixius u destacaus.
Elenco Trap en Internet Movie Database. Actor Papel Notas ''''
Se veiga tamién Cine en 2024. Cintas de 2024.
Referencias
Vinclos externos
Trap en Internet Movie Database.
Categoría:Cintas ambientadas en Philadelphia Categoría:Cintas ambientadas en 2024 Categoría:Cintas con banda sonora orichinal de Herdís Stefánsdóttir Categoría:Cintas con dirección de fotografía de Sayombhu Mukdeeprom Categoría:Cintas con guión de M. Night Shyamalan Categoría:Cintas con montache de Noëmi Preiswerk Categoría:Cintas de cine d'intriga Categoría:Cintas de cine policiaco Categoría:Cintas de Canadá Categoría:Cintas d'Estaus Unius Categoría:Cintas dirichidas por M. Night Shyamalan Categoría:Cintas en anglés Categoría:Cintas interpretadas por Alison Pill Categoría:Cintas interpretadas por Ariel Donoghue Categoría:Cintas interpretadas por Hayley Mills Categoría:Cintas interpretadas por Jonathan Langdon Categoría:Cintas interpretadas por Josh Hartnett Categoría:Cintas interpretadas por Mark Bacolcol Categoría:Cintas interpretadas por Marnie McPhail-Diamond Categoría:Cintas interpretadas por Russ Categoría:Cintas interpretadas por Saleka Night Shyamalan Categoría:Cintas interpretadas por Scott Mescudi Categoría:Cintas producidas por Ashwin Rajan Categoría:Cintas producidas por Marc Bienstock Categoría:Cintas producidas por M. Night Shyamalan Categoría:Cintas rodadas en Hamilton (Ontario) Categoría:Cintas rodadas en Mississauga Categoría:Cintas rodadas en Toronto