Iste articlo ye sobre una cinta estausunidense de cine de comedia estrenada en 1942; ta atros usos, se veiga To Be or Not to Be y To Be or Not to Be (desambigación).
To Be or Not to Be (títol orichinal en anglés, en aragonés Estar u no estar, enguerada en Aragón con o suyo títol traduciu enta lo castellano como Ser o no ser) ye una cinta de cine estausunidense de cine de comedia de romance belica estrenada en 1942 (en bel meyo d'a Segunda Guerra Mundial), dirichida por Ernst Lubitsch seguntes un guión adaptau por Edwin Justus Mayer (basau en una historia de Melchior Lengyel), con una banda sonora orichinal de Werner R. Heymann, una dirección de fotografía de Rudolph Maté y una producción cinematografica d'Ernst Lubitsch ta la productora cinematografica Romaine Film Corp.. Fan parte de l'elenco d'a cinta, entre d'atros actors, Carole Lombard, Jack Benny, Robert Stack, Felix Bressart, Lionel Atwill, Stanley Ridges, Sig Ruman, Tom Dugan, Charles Halton, George Lynn, Henry Victor, Maude Eburne, Halliwell Hobbes, Miles Mander, James Finlayson, Olaf Hytten, Maurice Murphy y Frank Reicher.
A cinta s'estrenó un mes dimpués d'a muerte en accident d'avión de l'actriz protagonista, Carole Lombard, y prene lo suyo nombre d'a frase "estar u no estar" que lo prencipe Hamlet pronuncia en a obra teatral Hamlet, de William Shakespeare, y que enchega bels escaicimientos cuan lo mariu d'a protagonista la pronuncia en a escena.
En 1939 Joseph Tura ye lo prencipal actor d'una companyía teatral en Varsovia a on la primera actriz ye su muller Maria. A companyía ye asayando una obra teatral, Gestapo, satirica con o Tercer Reich y con Adolf Hitler, encara que en ixe momento son interpretando Hamlet, de William Shakespeare. un tenient de l'aviación polaca, Stanislav Sobinski, ye admirador de Maria y ista lo cita en o suyo camerino cuan o suyo mariu prencipie en l'escenario lo soliloquio "estar u no estar" en interpretando a lo prencipe Hamlet. Tamién plega la noticia de que lo Gubierno polaco prefiere cancelar a obra que yeran asayando, ta no provocar a los alemans. A la nueit siguient se repite la marcha de Sobinski d'o teatro, enfocinando-se Joseph. Ixa segunda nueit, Sobinski confiesa lo suyo amor a Maria y aspera que ista albandone a su mariu ta estar con él, pero antes de que pueda responder plega la noticia d'a invasión de Polonia por a Wehrmacht, precipiando asinas a Segunda Guerra Mundial. Varsovia ye bombardiada, os actors s'amagan y cuan plega la redota de Polonia lo tenient Sobinski marcha enta lo Reino Uniu ta fer parte d'a Royal Air Force. En Londres conoix a Siletsky, qui se li diz que ye lo dirichent d'a Resistencia polaca, pero cuan Sobinski li da un mensache ta Maria para cuenta de que no la coinoix, cuan ye la mas famosa actriz d'o país. Ixo li fa sospeitar que se tracta d'un achent alemán y paran cuenta de que ha marchar enta Polonia con mensaches de toz os pilotos polacos ta las suyas familias, asinas que los alemans conoixeran qui son las familias de toz os pilotos polacos. En Londres deciden ninviar a lo tenient Sobinski a Polonia ta evitar-lo, pero cuan plega Siletsky ya ha contactau con Maria, a qui quiere recrutar como achent alemana. Alavez tienen una ideya: fer servir os uniformes alemans que teneban preparaus ta la suya obra teatral ta enganyar a Siletsky y que lis de la lista de familiars, pero iste descubre qui son y Sobinski lo mata. Asinas que Joseph planeya disvrazar-se de Siletsky, pero ye tamién descubierto y no troba atra posibilidat que desvrazar-se de Hitler.
A cinta s'ambienta en 1939 mientres a Segunda Guerra Mundial en Varsovia (Polonia) y Londres (Reino Uniu).
Elenco To Be or Not to Be en Internet Movie Database. Actor Papel Notas ''''
Se veiga tamién Cine en 1942. Cintas de 1942.
Referencias
Vinclos externos
To Be or Not to Be en Internet Movie Database. To Be or Not to Be en AllMovie. To Be or Not to Be en TCM Movie. To Be or Not to Be en Rotten Tomatoes.
Categoría:Cintas ambientadas en Londres Categoría:Cintas ambientadas en Varsovia Categoría:Cintas ambientadas en 1939 Categoría:Cintas con banda sonora orichinal de Werner R. Heymann Categoría:Cintas con dirección de fotografía de Rudolph Maté Categoría:Cintas con guión d'Edwin Justus Mayer Categoría:Cintas con montache de Dorothy Spencer Categoría:Cintas de cine belico Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Ernst Lubitsch Categoría:Cintas en alemán Categoría:Cintas en anglés Categoría:Cintas en francés Categoría:Cintas en blanco y negro Categoría:Cintas interpretadas por Carole Lombard Categoría:Cintas interpretadas por Charles Halton Categoría:Cintas interpretadas por Felix Bressart Categoría:Cintas interpretadas por Frank Reicher Categoría:Cintas interpretadas por George Lynn Categoría:Cintas interpretadas por Halliwell Hobbes Categoría:Cintas interpretadas por Henry Victor Categoría:Cintas interpretadas por Jack Benny Categoría:Cintas interpretadas por James Finlayson Categoría:Cintas interpretadas por Lionel Atwill Categoría:Cintas interpretadas por Maude Eburne Categoría:Cintas interpretadas por Maurice Murphy Categoría:Cintas interpretadas por Miles Mander Categoría:Cintas interpretadas por Olaf Hytten Categoría:Cintas interpretadas por Robert Stack Categoría:Cintas interpretadas por Sig Ruman Categoría:Cintas interpretadas por Stanley Ridges Categoría:Cintas interpretadas por Tom Dugan Categoría:Cintas producidas por Ernst Lubitsch Categoría:Cintas de cine sobre a Segunda Guerra Mundial