Iste articlo ye sobre una cinta estausunidense de cine belico de l'anyo 1957; ta la novela homonima sobre la que se basa, se veiga The Enemy Below (novela).

The Enemy Below (títol orichinal en anglés, en aragonés Enemigo d'abaixo, estrenada en Aragón con o títol en castellano de Duelo en el Atlántico Norte, en aragonés Duelo en l'Atlantico Norte) ye una cinta de cine estausunidense de cine belico estrenada l'anyo 1957, dirichida por Dick Powell seguntes un guión adaptau por Wendell Mayes (basau en a novela The Enemy Below, que heba publicau Denys Rayner, un antigo oficial d'a Royal Navy mientres a batalla de l'Atlantico, en l'anyo 1956), con una banda sonora orichinal de Leigh Harline, una dirección de fotografía de Harold Rosson, una producción cinematografica de Dick Powell ta la productora cinematografica 20th Century Fox y un elenco en o cual partecipan, entre d'atros, os actors Robert Mitchum, Curd Jürgens, Theodore Bikel, David Hedison, Russell Collins, Kurt Kreuger, Frank Albertson, Biff Elliot, Ralph Manza, Doug McClure y Darryl F. Zanuck.

En bel meyo d'a Segunda Guerra Mundial, o destructor d'escorta d'a United States Navy USS Haynes, de clase Buckley, fa labors de patrulla en a mar Caribe, baixo lo mando de l'oficial Murrell, procedent d'a marina mercant, que ye recuperando-se d'as refidas recibidas cuan un submarino alemán fundió lo suyo barco. A tripulación d'o suyo barco no li tien masiada confianza, por o suyo orichen civil. Simultaniament, von Stolberg manda un submarino alemán que opera en ixas auguas, tractando-se d'un veterano d'os submarinos alemans d'a Primera Guerra Mundial, en un d'os cuals ya heba estau capitán. Poseye tot o respecto d'os suyos hombres y ye un militar de carrera a qui li fa repugnancia lo nazismo d'o Tercer Reich. Cuan o destructor troba a lo submarino prencipia una luita entre toz dos capitans, a traviés d'a cual entramos a dos ganan gran respecto d'os suyos marineros, y en a cual desembolican todas as suyas habilidaz ta la navegación y lo combat.

A cinta s'ambienta en a mar Caribe y l'oceano Atlantico en bel momento indeterminau entre 1942 y 1945 mientres a batalla de l'Atlantico en a Segunda Guerra Mundial, y las suyas escenas se filmoron en Long Beach (California) y en Hawaii en os Estaus Unius, amás d'en os 20th Century Fox Studios en Century City, tamién en California. Localizacions de The Enemy Below en Internet Movie Database.

Se tracta d'una cinta que ha recibiu bels premios y nominacions, en destacando un Premio Oscar a los Millors Efectos de Soniu en a suya 30ena edición; y tamién una nominción a los Premios BAFTA en a categoría de Millor Actor Forano, en a suya 12ena edición.

Elenco The Enemy Below en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1957. Cintas de 1957.

Referencias

Vinclos externos The Enemy Below en Internet Movie Database. The Enemy Below en Rotten Tomatoes. The Enemy Below en TCM Movie. The Enemy Below en l'American Film Institute Catalog de l'American Film Institute''.

Categoría:Cintas ambientadas en a mar Caribe Categoría:Cintas ambientadas en l'oceano Atlantico Categoría:Cintas ambientadas en os anyos 1940 Categoría:Cintas con banda sonora orichinal de Leigh Harline Categoría:Cintas con dirección de fotografía de Harold Rosson Categoría:Cintas con guión de Wendell Mayes Categoría:Cintas con montache de Stuart Gilmore Categoría:Cintas de cine belico Categoría:Cintas d'Estaus Unius Categoría:Cintas dirichidas por Dick Powell Categoría:Cintas en alemán Categoría:Cintas en anglés Categoría:Cintas en Cinemascope Categoría:Cintas en Color by DeLuxe Categoría:Cintas interpretadas por Biff Elliot Categoría:Cintas interpretadas por Curd Jürgens Categoría:Cintas interpretadas por Darryl F. Zanuck Categoría:Cintas interpretadas por David Hedison Categoría:Cintas interpretadas por Doug McClure Categoría:Cintas interpretadas por Frank Albertson Categoría:Cintas interpretadas por Kurt Kreuger Categoría:Cintas interpretadas por Ralph Manza Categoría:Cintas interpretadas por Robert Mitchum Categoría:Cintas interpretadas por Russell Collins Categoría:Cintas interpretadas por Theodore Bikel Categoría:Cintas producidas por Dick Powell Categoría:Cintas rodadas en Hawaii Categoría:Cintas rodadas en Long Beach (California) Categoría:Cintas rodadas en Los Angeles Categoría:Cintas de cine sobre a Segunda Guerra Mundial