Los Draps ye un grupo aragonés de musica en catalán, formato en a comarca d'o Matarranya. O suyo estilo musical ye o punk-core entrepitato con instrumentos tradicionals aragoneses como a donzaina.
Historia O grupo prencipio en l'anyo 1992 tocando en as fiestas d'os lugars d'o Matarranya y arredols, fendo sobre tot versions de cancions d'atros grupos.
En 1997 o grupo fue establito oficialment. Dentran en o grupo Torretes (batería), Rosset (teclau) y Arsís (baixo) antimás de Guenen y Colero que yeran os guitarristas (o segundo antimás o cantaire). A primera actuación d'o grupo estió en o estiu de 1998 en Penyarroya chunto con os grupos de La Codonyera Azero y Artrosis. Dimpués facioron cuantos conciertos mas por a comarca d'o Matarranya. A la fin de 1999, Sisco deixó lo grupo estando substituyiu por Kolores, l'actual batería.
En o estiu de 2000 se gravó a maqueta Terra de Frontera y se fan conciertos importants por toda a cheografía d'a Francha y atros puestos como as Islas Balears, antimás s'incorpora a lo grupo lo guitarrista Txutxa.
Dani del Colero, lo cantaire, deixa o grupo en 2002. As nuevas voces son Sérgio y Kolores y agora solo bi'n ha un guitarrista, Txutxa. Dentra en o grupo Flare que toca a dulzaina fendo un cambio en o estilo d'o grupo a punk-rock con gaita.
En febrero de 2004 gravoron a canción "Matarranya", poesía d'o poeta Desideri Lombarte, natural de Penyarroya. Mas tardi s'incorpora a lo grupo Jorgito, segundo dulzainero. Se fan gravacions de temas como "Cultura Popular", "Revolució" (Revolución) y "Feixistes" (Faxistas). En noviembre d'ixa mesma anyada dentra en o grupo lo guitarrista Marc (ex de Notinkson).
O suyo primer disco No mos fareu callar! (No mos farez callar!) apareixe en 2006, o disco incluye 11 cancions en catalán y una, "Entalto lo pueblo" en aragonés y destacan as colaboracions de Kapi (Azero), Isa, Miguel y Chabi (Prau), Kaspas (Visión Túnel), Josep (Temps al Temps) y Jandro (Mallacán). Iste mesmo anyo a canción "Cultura Popular" recibe o premio a la millor canción de luenga minoritaria d'Aragón en os VIII Premios d'a Musica Aragonesa.
En aviento de 2011, o grupo fació oficial a suya deseparación. Los Draps anuncian o cese d'a suya actividat musical, en Arredol, 16 d'aviento de 2011.
En 2013 retornan en o festival Esfendemos a Tierra 2013 en Artieda. Los Draps tornarán t´os escenarios en iste “Esfendemos a Tierra 2013”, en Arainfo, 5 de chulio de 2013 Continando con a suya actividat dica hue.
Miembros Os zaguers miembros de Los Draps estioron:
Alex: Voz Kolores: Batería y coros Marc: Guitarra Txutxa: Guitarra y coros Espígol: Baixo Flare: Donzaina Jorgito: Donzaina Natalia: Donzaina
Discografía Terra de frontera (2000) No mos fareu callar (2006) Un crit al vent (2008) La Penúltima Bala (2017)
Belunas d'as suyas cancions estioron incluitas en bels recopilatorios: Correllengua (2002) Binissalem (2002) Atles musical, una llengua de convit Una roella al cor Cultura de resistència vol.2 (2004) O Zaguer Chilo II (2018)
Vinclos externos Myspace oficial Vidio con a canción "Cultura popular" Una canción en aragonés de Los Draps
Referencias
Categoría:Grupos de musica d'Aragón Categoría:Grupos de folk punk Categoría:Grupos de musica en catalán