Baby Driver (títol orichinal en anglés, en aragonés Bebé conductor, estrenada en Aragón con o suyo títol orichinal) ye una cinta de cine d'acción policiaca coproducida por o cine estausunidense y lo cine britanico estrenada l'anyo 2017, dirichida por Edgar Wright seguntes un guión orichinal d'él mesmo, con una banda sonora orichinal de Steven Price, una dirección de fotografía de Bill Pope y una producción cinematografica de Nira Park, Tim Bevan y Eric Fellner ta las productoras TriStar Pictures, MRC, Big Talk Productions y Working Title Films. Conta con un elenco d'o cual en fan parte, entre d'atros actors, Ansel Elgort, Kevin Spacey, Lily James, Eiza González, Jon Hamm, Jamie Foxx, Jon Bernthal y CJ Jones.
Miles, a qui claman Baby, vive en Atlanta (Cheorchia). Perdió a sus pais en un accident de trafico y él quedó afectau por tinnitus, y se veye obligau a escuitar musica de contino ta sofocar ixos molestos rudios. Ye muit buen conductor d'autos y cuan fa tiempos robó un auto propiedat de Doc, un capo mafioso local, iste li dició que yera en deuda con él y l'obligó a treballar ta él en conducindo autos que emplegan os delincuents ta fuyir dimpués d'un robo. Tamién cudia de Josep, un viello afroamericano que padeixe ixordera y que ye lo suyo pai adoptivo. Bel día dentra en Bo's Diner, o suyo restaurant habitual, y conoix a Debora, la nueva cambrera, y bien luego naixe l'atracción mutua. Finalment, Baby ha feito lo que creye que ye lo suyo zaguer treballo ta Doc y que con ixo ha rematau a deuda que teneba con él, y prencipia a treballar como repartidor de pizzas. Convida a Debora a un restaurant bien apunchuliu, pero i troba a Doc, qui los convida en pagar él a factura. Y dimpués contacta con Baby ta obligar-lo a fer un atro treballo. En ixe robo han de partecipar Buddy, un hombre bien calmau, Darling, a suya muller y experta tiradora, y Bats, un autentico psicopata que immediatament siente antipatía por Baby. Cua Doc los ninvía a un contacto ta mercar armas ta lo robo, Bats los reconoix como policías y provoca un tiroteyo a on mueren toz os policías, que dimpués Doc lis diz que él sabía que yeran policías porque yeran policias corruptos que treballaban ta él. Decide no continar con o robo, pero s'oposan toz y Doc deixa que Baby decida, y iste decide continar enta debant. Tanimientres, ixa nueit preba de fuyir ta reunir-se con Debora y marchar toz dos, pero ye descubierto, a la vegada que tamién descubren un conchunto de grabacions de toz éls, y sospeitan que ye un policía infiltrau encara que él explica que nomás las fa servir ta composar cancions. Cuan fan o robo, Bats dispara contra un guardia de seguredat y lo mata, y Baby se niega a enchegar l'auto y marchar y Bats lo golpeya. Baby encasta l'auto contra un cambión, quedando Bats empalau y muerto, y Buddy y Darling fuyen perseguius por a Policía y perseguindo a Baby. Iste consigue fuyir-ne, deixar en lugar seguro a Joseph y marchar enta a on ye Debora. I troba a Buddy, qui lo considera culpable de que la Policía haiga matau a su muller.
A cinta s'ambienta en Atlanta y atros puestos de Cheorchia, y las suyas escenas se filmoron en Atlanta. Dunwoody, Gainesville y Juliette (Cheorchia) y Nueva Orleans (Loisiana). Localizacions de Baby Driver en Internet Movie Database.
Se tracta d'una cinta que ha recibiu cuantos premios y nominacions, en destacando tres nominacions a los Premios Oscar (Millor Montache, Millor Soniu y Millor Edición de Soniu) en a suya 90ena edición; un Premio BAFTA (Millor Montache) y una nominación (Millor Soniu) en a suya 71ena edición; y una nominación a los Premios Globos d'Oro (Millor Actor de Musical u Comedia) en a suya 75ena edición.
Elenco Baby Driver en Internet Movie Database. Actor Papel Notas ''''
Se veiga tamién Cine en 2017. Cintas de 2017.
Referencias
Vinclos externos Baby Driver en Internet Movie Database.
Categoría:Cintas ambientadas en Atlanta Categoría:Cintas ambientadas en o estau de Cheorchia Categoría:Cintas ambientadas en 2017 Categoría:Cintas con banda sonora orichinal de Steven Price Categoría:Cintas con dirección de fotografía de Bill Pope Categoría:Cintas con guión d'Edgar Wright Categoría:Cintas con montache de Jonathan Amos Categoría:Cintas con montache de Paul Machliss Categoría:Cintas de cine d'acción Categoría:Cintas de cine policiaco Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Edgar Wright Categoría:Cintas en anglés Categoría:Cintas en Panavision Categoría:Cintas interpretadas por Ansel Elgort Categoría:Cintas interpretadas por CJ Jones Categoría:Cintas interpretadas por Eiza González Categoría:Cintas interpretadas por Jamie Foxx Categoría:Cintas interpretadas por Jon Bernthal Categoría:Cintas interpretadas por Jon Hamm Categoría:Cintas interpretadas por Kevin Spacey Categoría:Cintas interpretadas por Lily James Categoría:Cintas producidas por Eric Fellner Categoría:Cintas producidas por Nira Park Categoría:Cintas producidas por Tim Bevan Categoría:Cintas rodadas en Atlanta Categoría:Cintas rodadas en Dunwoody Categoría:Cintas rodadas en Gainesville (Cheorchia) Categoría:Cintas rodadas en Juliette (Cheorchia) Categoría:Cintas rodadas en Nueva Orleans