Rails Into Laramie (títol orichinal en anglés, en aragonés Raíls enta Laramie, estrenada en Aragón con o títol en castellano de Las vías de la traición, en aragonés As vías d'a traición) ye una cinta de cine de western de cine estausunidense estrenada l'anyo 1954, dirichida por Jesse Hibbs seguntes un guión orichinal de D.D. Beauchamp y Joseph Hoffman, con una banda sonora orichinal de Henry Mancini, Milton Rosen y Herman Stein, una dirección de fotografía de Maury Gertsman, una producción cinematografica de Ted Richmond ta la productora cinematografica Universal-International Pictures y un elenco d'o cual en fan parte, entre d'atros actors, John Payne, Mari Blanchard, Dan Duryea, Joyce MacKenzie, Barton MacLane, Ralph Dumke, Harry Shannon, James Griffith, Lee Van Cleef, Myron Healey, Charles Horvath, George Chandler, Douglas Kennedy y Alexander Campbell.
Jefferson Harder ye un sarchento de l'exercito estausunidense destinau en o Territorio de Wyoming en 1869 que se troba de permiso y a qui lo li revocan ta ninviar-lo enta Laramie. O cheneral que lo ninvía li explica que marcha enta ixe lugar ta solucionar os problemas que ye provocando Jim Shanessy, un propietario de negocios en Laramie que causa retardos en as obras d'o ferrocarril ta que asinas os treballadors gasten o suyo salario en os suyos negocios. Harder no quiere ir-ie, pero lo cheneral lo menaza. Cuan plega enta Laramie ye recibiu por l'alcalde, lo chuez y lo representant d'o ferrocarril, decepcionaus porque en cuentas d'un grupo de soldaus que asperaban nomás lis han ninviau que uno. Encara se decepcionan mas cuan Harder saluda bien efusivament a Shanessy, qui resulta estar un amigo suyo, y iste li ufre dormir por o fiemo en o suyo hotel. En primeras Harder s'alegra de trobar a lo suyo amigo, pero ixa sensación prencipia a cambiar cuan dos treballadors d'iste se presentan en a suya habitación ta dar-li 2.000 dólars. Harder visita a lo chuez Pierce y dimpués marcha enta la garchola a conoixer a lo "sheriff", Orrie Sommers, a qui aconsella que prepare as celdas porque bien luego s'ocuparán. Dimpués marcha enta lo casino de Shanessy, a qui li torna la pilma de 2.000 dólars, y iste li presenta a la suya socia, Lou Carter, y lo convida en a suya casa, en sabendo que d'antes mas Harder heba estau novio de Helen, a suya muller. Cuan Harder visita las obras d'o ferrocarril, se baralla con muscloso capotaz y lo vence, conseguindo asinas poner orden en as obras. Pero a lo día siguient publica un anuncio de que s'ha dau palleta a toz os treballadors, cosa que no cuaca a lo representant d'o ferrocarril ni a garra propietario de garra negocio de Laramie. Lee Graham, o representant d'o ferrocarril, convoca una reunión ta demanar a suya expulsión, pero finalment accepta dar-li un plazo de 15 días ta veyer si la suya forma d'actuar funciona. Shanessy provoca disturbios con os treballadors y Harder l'arresta. Os suyos esbirros agreden a Harder y lo zarran en un vagón de tren. En no compareixer en consecuencia Harder en o chudicio de Shanessy, iste queda libre, ordenando cremar toz os campamentos y conseguindo sobornar a los churaus de toz os chudicios contra los suyos subordinaus. Tanimientres, Lou proposa a Harder que forme un churau composau exclusivament por mullers.
A cinta s'ambienta en l'anyo 1869 en Wyoming y las suyas escenas se filmoron en localizacions de California, incluyius os Universal Studios en Universal City. Localizacions de Rails Into Laramie en Internet Movie Database.
Elenco Rails Into Laramie en Internet Movie Database. Actor Papel Notas ''''
Se veiga tamién Cine en 1954. Cintas de 1954.
Referencias
Vinclos externos Rails Into Laramie en Internet Movie Database.
Categoría:Cintas ambientadas en Wyoming Categoría:Cintas ambientadas en 1869 Categoría:Cintas con banda sonora orichinal de Herman Stein Categoría:Cintas con banda sonora orichinal de Henry Mancini Categoría:Cintas con banda sonora orichinal de Milton Rosen Categoría:Cintas con dirección de fotografía de Maury Gertsman Categoría:Cintas con guión de D.D. Beauchamp Categoría:Cintas con guión de Joseph Hoffman Categoría:Cintas con montache de Ted J. Kent Categoría:Cintas de western Categoría:Cintas d'Estaus Unius Categoría:Cintas dirichidas por Jesse Hibbs Categoría:Cintas en anglés Categoría:Cintas en Technicolor Categoría:Cintas interpretadas por Alexander Campbell Categoría:Cintas interpretadas por Barton MacLane Categoría:Cintas interpretadas por Charles Horvath Categoría:Cintas interpretadas por Dan Duryea Categoría:Cintas interpretadas por Douglas Kennedy Categoría:Cintas interpretadas por George Chandler Categoría:Cintas interpretadas por Harry Shannon Categoría:Cintas interpretadas por James Griffith Categoría:Cintas interpretadas por John Payne Categoría:Cintas interpretadas por Joyce MacKenzie Categoría:Cintas interpretadas por Lee Van Cleef Categoría:Cintas interpretadas por Mari Blanchard Categoría:Cintas interpretadas por Myron Healey Categoría:Cintas interpretadas por Ralph Dumke Categoría:Cintas producidas por Ted Richmond Categoría:Cintas rodadas en California Categoría:Cintas rodadas en Universal City