Vera Ralston, naixida con o nombre de Věra Helena Hrubá de Praga (Checoslovaquia, hue Republica Checa) lo 12 de chulio de 1919?, 1920? u 1921? y muerta en Santa Barbara (California, Estaus Unius) l'8 de febrero de 2003 a causa d'un cáncer, estió una actriz y patinadora artistica checa, nacionalizada ciudadana estausunidense y activa en o mundo d'o esporte dende primerías d'os anyos 1930 dica primerías d'os anyos 1940, cuan prencipió la suya carrera d'actriz que s'estendilló dica finals d'os anyos 1950.
En a suya faceta como practicant d'o patinache artitico y con o nombre de Věra Hrubá, representó a lo suyo pais, Checoslovaquia, en dos escaicimientos esportivos detacaus: os Chuegos Olimpicos de 1936, a on quedó 17ena, y en o Campionato d'Europa de Patinache Artistico sobre Chelo de 1937, a on quedó 7ena. Se diz que en os Chuegos Olimpicos celebraus en Berlín conoixió personalment a Adolf Hitler, qui li preguntó que si quereba patinar ta la esvastica recebindo como repuesta que ella preferiba patinar sobre la esvastica, respuet que pareixe haber foguiau a lo dictador.
D'a suya carrera como actriz, se pueden mencionar bellas d'as suyas interpretacions en cintas como The Lady and the Monster (1944, George Sherman), Dakota (1945, Joseph Kane), Plainsman and the Lady (1946, Joseph Kane), Wyoming (1947, Joseph Kane), The Fighting Kentuckian (1949, George Waggner), The Wild Blue Yonder (1951, Allan Dwan), Fair Wind to Java (1953, Joseph Kane), Jubilee Trail (1954, Joseph Kane), ccused of Murder (1956, Joseph Kane), Gunfire at Indian Gap (1957, Joseph Kane) u The Man Who Died Twice (1958, Joseph Kane).
Filmografía Vera Ralston en Internet Movie Database. Anyo Títol d'a cinta Director Banda sonora Elenco Atros [ ''''] en Internet Movie Database.
Referencias
Vinclos externos
Vera Ralston en Internet Movie Database. Vera Ralston en Find a Grave.
Categoría:Actrices de Checoslovaquia Categoría:Actrices d'Estaus Unius Categoría:Muertos en Santa Barbara (California) Categoría:Muertos por cáncer Categoría:Naixius de Praga Categoría:Patinadors artisticos de Checoslovaquia Categoría:Patinadors artisticos de Checoslovaquia en o Campionato d'Europa de Patinache Artistico sobre Chelo de 1937 Categoría:Patinadors artisticos olimpicos de Checoslovaquia Categoría:2003 (muertes)