Iste articlo ye sobre una cinta estausunidense de comedia musical estrenada en 1949; ta atros usos, se veiga The Inspector General y The Inspector General (cinta).

The Inspector General (títol orichinal en anglés, en aragonés L'inspector cheneral, estrenada en Aragón con o suyo títol traduciu enta lo castellano como El inspector general) ye una cinta de cine estausunidense de cine de comedia musical estrenada en 1949, dirichida por Henry Koster seguntes un guión adaptau por Philip Rapp y Harry Kurnitz (basau en a obra tearal Revizor, pubicada por Nikolai Gógol en 1836), con una banda sonora orichinal de Sylvia Fine, una dirección de fotografía d'Elwood Bredell y una producción cinematografica de Jerry Wald ta la productora ciematografica Warner Bros. Pictures. Conta con un elenco d'actors d'o cual en fan parte, entre d'atros, Danny Kaye, Walter Slezak, Barbara Bates, Elsa Lanchester, Gene Lockhart, Alan Hale, Walter Catlett y Rhys Williams.

Georgi ye lo miembro d'un grupo de chitans a qui Yakov, lo líder, expulsa d' grupo por haber dito a uns clents qu l'eleixir que vendean no sirve ta cosa. Como tiene fambre, Georgi dentra en o lugarón de Brodny, que se troba en ixe mmento baixo lo control d'o Primer Imperio Francés, y preba de minchar d'o saco d'un caballo, pero creyen que lo ye robando, l'engarcholan y li dicen que a lo día siguient l'aforcarán. Qui gubierna lo lugar ye un alcalde corrupto con un concello igualment corrupto formau por os suyos parients, y chusto entonces conoixen que Napoleón Bonaparte ha ninviau a un inspector disvrazau ta investigar a corrupción en a redolada, y creyen que Georgi ye ixe emisario. Immediatament ye liberau y pompiau. Apareixe Yakov qui se fa pasar por o suyo aduyant, y li explica cómo l'alcalde y los suyos amigos s'han apropiau de muitos diners que fan pagar a la población. Yakov lo convence ta que contine en o lugar y extorsione a l'alcalde, pero él s'ha enamorau de Leza, una criada de l'alcalde, y la mesacha convence a Georgi de que aduye a lo pueblo, a la vegada que l'lalcalde ha decidiu matar-lo.

A cinta s'ambienta en os anyos 1810 en bel puesto indeterminau de bel país d'Europa, y las suyas escenas se filmoron en Simi Valley (California), amás d'en os Warner Brothers Burbank Studios en Burbank, tamién en California. Localizacions de The Inspector General en Internet Movie Database.

The Inspector General recibió un Premio Globo d'Oro a la Millor Banda Sonora Orichinal en 1950 en a 7ena edición d'os Premios Globos d'Oro.

Elenco The Inspector General en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1949. Cintas de 1949.

Referencias

Vinclos externos

The Inspector General en Internet Movie Database. The Inspector General en l'American Film Institute Catalog de l'American Film Institute''. The Inspector General en TCM Movie Database.

Categoría:Cintas ambientadas en Europa Categoría:Cintas ambientadas en os anyos 1810 Categoría:Cintas con banda sonora orichinal de Sylvia Fine Categoría:Cintas con dirección de fotografía d'Elwood Bredell Categoría:Cintas con guión de Harry Kurnitz Categoría:Cintas con guión de Philip Rapp Categoría:Cintas con montache de Rudi Fehr Categoría:Cintas de cine de comedia Categoría:Cintas de cine musical Categoría:Cintas d'Estaus Unius Categoría:Cintas dirichidas por Henry Koster Categoría:Cintas en anglés Categoría:Cintas en Technicolor Categoría:Cintas interpretadas por Alan Hale Categoría:Cintas interpretadas por Barbara Bates Categoría:Cintas interpretadas por Danny Kaye Categoría:Cintas interpretadas por Elsa Lanchester Categoría:Cintas interpretadas por Gene Lockhart Categoría:Cintas interpretadas por Rhys Williams Categoría:Cintas interpretadas por Walter Catlett Categoría:Cintas interpretadas por Walter Slezak Categoría:Cintas producidas por Jerry Wald Categoría:Cintas rodadas en Burbank Categoría:Cintas rodadas en Simi Valley