The Numbers Station (títol orichinal en anglés, en aragonés A estación d'os numeros, estrenada en Aragón con o títol en castellano de Código de defensa, en aragonés Codigo de defensa) ye una cinta de cine d'intriga d'acción coproducida por o cine britanico, lo cine estausunidense y lo cine belga estrenada l'anyo 2013, dirichida por Kasper Barfoed seguntes un guión orichinal de F. Scott Frazier, con una banda sonora orichinal de Paul Leonard-Morgan, una dirección de fotografía d'Óttar Guðnason y una producción cinematografica de Sean Furst, Bryan Furst y Nigel Thomas ta las productoras Furst Films, Matador Films, Piccadilly Pictures, Atlantic Swiss Productions, Blue Lake Media Fund, Content Media Corporation y Echo Lake Entertainment: Fan parte de l'elenco d'actors d'a cinta, entre d'atros, John Cusack, Malin Åkerman, Liam Cunningham, Lucy Griffiths, Bryan Dick, Richard Brake, Joey Ansah, Finbar Lynch y Hannah Murray.
Emerson Kent ye un achent d'a Central Intelligence Agency a qui ninvían a matar a lo propietario d'un bar, qui resulta estar un ntigo achent que heba decidiu albandonar a CIA. Tanimientres, un testigo ha presenciau os feitos y Kent troba la suya alforcha y marcha enta la suya casa ta matar-lo. Cuan lo mata apareixe la filla d'o testigo, una nina, y Kent no la mata, pero lo fa lo suyo chefe, que amás apunya a Kent. En veyer ixo, decide ninviar a Kent a una oficina de numeros d'a CIA en un lugarón d'Anglaterra, a on ha de treballar con Katherine, a locutora d'a estación de radio y de qui se fa amigo. A Kent l'acoran as acordanzas d'a nina asasinada, dica que bel día atacan a estación, quedando drento d'o sector protechiu d'a mesma u d'oa asaltants, a qui Kent consigue matar. Cuan contacta con os suyos superiors, istos li dicen que como lo codigo ha quedau comprometiu ha de matar a Katherine, qui se troba ferida en una garra. Kent cura la ferida de Katherine pero cuan torna a contactar con os suyos superiors, tornan a ordenar-li que la mate. Pero Kent decide colaborar con ella ta evitar que se cumplan as 15 órdens d'asasinato que han estau ninviadas por os asaltants d'a estación y que acaba de trobar, que afectan a altos cargos d'o gubierno, incluyiu lo chefe de Kent. Porque iste para cuenta que qui li ha ordenau que la mata son os mesmos asaltants, que saben que Katherine ye la sola persona d'o mundo que puede anular as órdens d'execución.
A cinta s'ambienta en a suya epoca actual (2013) en Suffolk (Reino Uniu) y las suyas escenas se filmoron en Ipswich y Rendlesham (Suffolk) y en Essex en o Reino Uniu. Localizacions de The Numbers Station en Internet Movie Database.
The Numbers Station ye una cinta que ha recibiu bella nominación a bel premio, encara que dito premio no fa parte d'os premios cinematograficos mas conoixius u destacaus.
Elenco The Numbers Station en Internet Movie Database. Actor Papel Notas ''''
Se veiga tamién Cine en 2013. Cintas de 2013.
Referencias
Vinclos externos The Numbers Station en Internet Movie Database. The Numbers Station en Rotten Tomatoes. The Numbers Station en Metacritic.
Categoría:Cintas ambientadas en Suffolk Categoría:Cintas ambientadas en 2013 Categoría:Cintas con banda sonora orichinal de Paul Leonard-Morgan Categoría:Cintas con dirección de fotografía d'Óttar Guðnason Categoría:Cintas con guión de F. Scott Frazier Categoría:Cintas con montache de Chris Gill Categoría:Cintas con montache de Per Sandholt Categoría:Cintas de cine d'acción Categoría:Cintas de cine d'intriga Categoría:Cintas de Belchica Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Kasper Barfoed Categoría:Cintas en anglés Categoría:Cintas interpretadas por Bryan Dick Categoría:Cintas interpretadas por Finbar Lynch Categoría:Cintas interpretadas por Hannah Murray Categoría:Cintas interpretadas por Joey Ansah Categoría:Cintas interpretadas por John Cusack Categoría:Cintas interpretadas por Liam Cunningham Categoría:Cintas interpretadas por Lucy Griffiths Categoría:Cintas interpretadas por Malin Åkerman Categoría:Cintas interpretadas por Richard Brake Categoría:Cintas producidas por Bryan Furst Categoría:Cintas producidas por Nigel Thomas Categoría:Cintas producidas por Sean Furst Categoría:Cintas rodadas en Essex Categoría:Cintas rodadas en Ipswich Categoría:Cintas rodadas en Rendlesham