Iste articlo ye sobre una cinta estausunidense de cine d'acción; ta atros usos, se veiga No Escape.
No Escape (títol orichinal en anglés, en aragonés Sin escapatoria, estrenada en Aragón con o títol en castellano de Golpe de estado, en aragonés Golpe d'estau) ye una cinta de cine estausunidense de cine d'intriga d'acción estrenada l'anyo 2015, dirichida por John Erick Dowdle seguntes un guión orichinal d'él mesmo y de Drew Dowdle, con una banda sonora orichinal de Marco Beltrami y Buck Sanders, una dirección de fotografía de Léo Hinstin y una producción cinematografica de Mitchel Litvak, David Lancaster y Drew Dowdle ta las productoras Brothers Dowdle Productions, Bold Films y Living Films. Conta con un elenco d'actors d'o cual en fan parte, entre d'atros, Owen Wilson, Lake Bell, Sterling Jerins, Claire Geare, Pierce Brosnan, Sahajak Boonthanakit y Thanawut Ketsaro.
En un país d'o sud-este d'Asia o suyo primer ministro zarra un alcuerdo con Cardiff, una empresa estausunidense adedicada a lo tractamiento d'auguas. Bien luego un grupo de rebels asalta lo palacio presidencial en un golpe d'estau y asasina a lo primer ministro. Bien pocas horas antes heba plegau enta lo país Jack Dwyer, un treballador de Cardiff, con su muller Annie y sus fillas chicotas Lucy y Briegel "Beeze". Cuan heba plegau enta l'aeropuerto heban conoixiu a un atro pasachero britanico, Hammond, qui pareixe conoixer muit bien o país y lus ufre levar-los enta lo suyo hotel, que ye lo mesmo d'él, a l'auto d'o suyo amigo local, "Kenny Rogers". Cuan a lo día siguient Jack se leva, marcha de l'hoten en busca de bel periodico estausunidense y se troba en bel meyo d'a revolución en as carreras d'a ciudat, estando testigo de l'asasinato de foranos por os rebels. Ascape torna enta l'hotel, perseguiu por una turba feita un gorgollo en busca de foranos ta asasinar-los, cosa que s'escayece malas que la turba plega enta l'hoten, a on encara denguno no sabe cosa. Os huespedes supervivients se refuchian en o terrau de l'hotel y por os chilos d'a turba Jack deduz que protestan d'o tracto comercial zarrau con a suya empresa. Apareixe un helicoptero con rebels que disparan contra los huespedes y Jack consigue saltar dica un atro edificio, salvando a la suya familia con él. Pasan a nueit en ixe edificio y a lo día siguient preban de marchar enta l'embaixada estansunidense, trobando-la espullada. Cuan os rebels los veyen y los capturan, deciden violar a Annie, pero chusto i plega Hammond con o suyo amigo asiatico "Kenny Rogers", que los salva matando a lo grupo de rebels. Lis explica dimpués que treballa ta lo servicio secreto d'o Reino Uniu y lis diz que a suya sola posibilidat ye de marchar con él fuyindo enta la muga con Vietnam, prencipiando una cursa entre éls y los rebels que los segundian.
A cinta s'ambienta en a suya epoca actual (2015) en bel país asiatico que la cinta no identifica pero que ye evidentment Cambocha (de feito la cinta estió prohibida en ixe país) y las suyas escenas se filmoron en Chiang Mai (provincia de Chiang Mai) y Lampang (provincia de Lampang) en Tailandia. Localizacions de No Escape en Internet Movie Database.
Se trata d'una cinta que ha recibiu bels premios y nominacions, encara que garra d'éls no perteneixe a os premios cinematoraficos mas destacaus u conoixius.
Elenco No Escape en Internet Movie Database. Actor Papel Notas ''''
Se veiga tamién Cine en 2015. Cintas de 2015.
Referencias
Vinclos externos No Escape en Internet Movie Database. No Escape en Box Office Mojo.
Categoría:Cintas ambientadas en Cambocha Categoría:Cintas ambientadas en 2015 Categoría:Cintas con banda sonora orichinal de Buck Sanders Categoría:Cintas con banda sonora orichinal de Marco Beltrami Categoría:Cintas con dirección de fotografía de Léo Hinstin Categoría:Cintas con guión de Drew Dowdle Categoría:Cintas con guión de John Erick Dowdle Categoría:Cintas con montache d'Elliot Greenberg Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por John Erick Dowdle Categoría:Cintas en anglés Categoría:Cintas en chinés mandarín Categoría:Cintas en francés Categoría:Cintas en khmer Categoría:Cintas en tailandés Categoría:Cintas en vietnamita Categoría:Cintas interpretadas por Claire Geare Categoría:Cintas interpretadas por Lake Bell Categoría:Cintas interpretadas por Owen Wilson Categoría:Cintas interpretadas por Pierce Brosnan Categoría:Cintas interpretadas por Sahajak Boonthanakit Categoría:Cintas interpretadas por Sterling Jerins Categoría:Cintas interpretadas por Thanawut Ketsaro Categoría:Cintas producidas por David Lancaster Categoría:Cintas producidas por Drew Dowdle Categoría:Cintas producidas por Mitchel Litvak Categoría:Cintas rodadas en Chiang Mai Categoría:Cintas rodadas en Lampang