O Pink gin (Chinebra rosa en aragonés) ye un cóctel alcolico d'orichen britanico popularizau en ixe país dende meyaus d'o sieglo XIX y l'ingredient prencipal d'o cual ye un tipo especifico de chinebra, la chinebra Plymouth, caracterizada por estar una chinebra dulza (chustament por ixe motivo s'incorpora a lo cóctel Angostura, que li atorga un luchero sabor amargant). Se sirve en copa de cóctel y gosa emplegar-se como guarnés a pela de limón, o saber acedo d'a cual combina prou bien con o cóctel.
O cóctel naixió en primerías d'o sieglo XIX ta emplegar-se en a Royal Navy como medecina contra la rodadera, por ixo se feba servir una chinebra mas dulza y or ixo mesmo s'adhibiban una gotas d'Angostura. Posteriorment, a finals d'ixe mesmo sieglo, dentró en as costumbres civils, popularizando-se en primeras en as clases populars ta dimpués dentrar en os cerclos aristocraticos britanicos. Mientres a Segunda Guerra Mundial yera bien popular entre los miembros d'a Royal Navy adedicaus a l'interrogatorio de presoneros de guerra enemigos.