Iste articlo ye sobre un western estausunidense de 1953; ta atros usos, se veiga Powder River.

Powder River (títol orichinal en anglés, en aragonés Río de polvora, estrenada en Aragón con o suyo títol traduciu enta lo castellano de Río de pólvora) ye una cinta de cine de western de cine estausunidense estrenada l'anyo 1953, dirichida por Louis King seguntes un guión adaptau por Daniel Mainwaring (basau en un historia de Sam Hellman, basada a la vegada en a novela Wyatt Earp: Frontier Marshal, publicada por Stuart N. Lake en 1931), con una dirección de fotografía de Edward Cronjager, una producción cinematografica d'Andre Hakim ta la productora cinematografica 20th Century Fox y un elenco d'o cual en fan parte Rory Calhoun, Corinne Calvet, Cameron Mitchell, Penny Edwards, Carl Betz, John Dehner, Raymond Greenleaf y Victor Sutherland, entre d'atros actors.

En 1875, Chino Bull ha albandonau a suya profesión de shériff, encara que ye miembro d'una familia de shériffs. Viacha enta lo río Powder acompanyau d'o suyo amigo Johnny Slater ta buscar-ie oro. Cuan se troban acampaus, Loney Logan y Will Horn, dos farutes d'a redolada, preban de robar-lis os suyos caballos, pero los fan fuyir. Cuan Chino marcha enta lo lugar amanau ta mercar-ie provisions, dentra en a tabierna de Frenchie Dumont (una bien polida muller) i conoix a Harvey Logan, o chirmano de Loney, que i treballa como crupier. Bien luego un client, Sam Harris, s'enferia y prencipia a disparar, matando accidentalment a lo shériff, toz fuyen menos Chino, qui consigue desarmar-lo. E haer muerto lo shériff li ufren d'estar-ne él o nuevo, pero refusa. Sindembargo, decide acceptar nomás que torna en o campamento y troba muerto a su amigo Johnny, amás de que lis han robau l'oro que dica l'inte heban trobau. Bien luego plega en o lugar Mitch Hardin, un pistolero que amás o novio de Frenchie, y desafía a Chino, encara que queda incapacitau por un gran mal de cabeza. Tamién i plega en dilichencia Debbie Allen, procedent de l'este y que ye en busca de su novio, que resulta estar Mitch, y descubre que iste ye malauto por un tumor en a cabeza. Debbie decide tornar enta l'este, pero Chino y Mitch, que son amigos agora, preparan una trampa atrayendo a Loney Logan fendo correr a noticia falsa de que transportan un gran cargamento d'oro, pero en a baralla queda ferida Debbie. Nomás puet salvar.la que Mitch, qui ye medico, y lo fa. Tamién han engarcholau a Harvey, y los hombres d'a suya banda atacan o lugar ta liberar-lo.

A cinta s'ambienta en l'anyo 1875 en bel puesto indeterminau de l'ueste d'Estaus Unius, y las suyas escenas se filmoron en o Parque Nacional d'os Glaciars en Montana. Localizacions de Powder River en Internet Movie Database.

Elenco Powder River en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1953. Cintas de 1953.

Referencias

Vinclos externos Powder River en Internet Movie Database. Powder River en l'American Film Institute Catalog de l'American Film Institute''. Powder River en TCM Movie Database.

Categoría:Cintas ambientadas en Estaus Unius Categoría:Cintas ambientadas en 1875 Categoría:Cintas con dirección de fotografía d'Edward Cronjager Categoría:Cintas con guión de Daniel Mainwaring Categoría:Cintas con montache de William B. Murphy Categoría:Cintas de western Categoría:Cintas d'Estaus Unius Categoría:Cintas dirichidas por Louis King Categoría:Cintas en anglés Categoría:Cintas en Technicolor Categoría:Cintas interpretadas por Cameron Mitchell Categoría:Cintas interpretadas por Carl Betz Categoría:Cintas interpretadas por Corinne Calvet Categoría:Cintas interpretadas por John Dehner Categoría:Cintas interpretadas por Penny Edwards Categoría:Cintas interpretadas por Raymond Greenleaf Categoría:Cintas interpretadas por Rory Calhoun Categoría:Cintas interpretadas por Victor Sutherland Categoría:Cintas producidas por Andre Hakim Categoría:Cintas rodadas en Montana