Iste articlo ye sobre una cinta estausunidense d'intriga chudicial estrenada l'anyo 2016; ta atros usos, se veiga The Whole Truth.
The Whole Truth (títol orichinal en anglés, en aragonés Toda la verdat, estrenada en Aragón con o suyo títol traduciu enta lo castellano como Toda la verdad) ye una cinta de cine estausunidense de cine d'intriga chudicial estrenada l'anyo 2016, dirichida por Courtney Hunt seguntes un guión orichinal de Nicholas Kazan, con una banda sonora orichinal d'Evgueni Galperine y Sacha Galperine, una dirección de fotografía de Jules O'Loughlin, una producción cinematografica d'Anthony Bregman, Elon Dershowitz, Kevin Frakes y Raj Brinder Singh ta las productoras FilmNation Entertainment, PalmStar Entertainment, Likely Story y Merced Media y un elenco d'actors d'o cual en fan parte, entre d'atros, Keanu Reeves, Renée Zellweger, Gugu Mbatha-Raw, Gabriel Basso, Jim Belushi, Jim Klock, Sean Bridgers, Christopher Berry y Dana Gourrier.
Richard Ramsay ye un avogau que treballa en Nueva Orleans como defensor de Mike Lassiter, un choven de 17 anyadas acusau de l'asasinato de su pai. La victima yera un cabalero avogau, amigo personal de Richard y d'a mai d'o choven, y que se troba con a presión de conseguir evitar que Mike sía engarcholau. Decide contractar como aduyant a Janelle Brady, una choven avogada que parixe haber estau bel tiempo inactiva y que ye la filla d'un atro amigo avogau. O primer problema que troba ye que Mike se niega a charrar con dengún sobre los feitos, mesmo trampoco con o suyo avogau, asinas que Richard se troba casi sin meyos ta levar una defensa adecuada. Amás, os testigos que se succeden no amuestran garra feito favorable a l'acusau, asinas que poquet a poquet se perfila una situación seguntes a cual Mike teneba odio por su pai y no bi heba garra atro motivo posible ta lo crimen. Sindembargo, Richard se deixa lo pelello ta prebar de demostrar bellas causas posibles d'a muerte, como los malos tractos que consigue demostrar que feba la victmia a su muller y que podrían haber estau presenciaus por o fillo. Tamién consigue introducir en os miembros d'o churau bella dubda respecto de bels testimonios, en conseguir insinuar que no ha dito toda la verdat y que por motivos diferents amagan cosas favorables a lo suyo client. Finalment, un día Mike decide que charrará, fendo-lo en compareixencia voluntaria en o chudicio, encara que Richard no lo veye convenient en no conoixer lo que dirá ni tener tiempo ta poder preparar adecuadament o testiminio d'o suyo client. En o suyo testimonio, Mike refiere haber estau obchecto d'abusos sexuals y violacions por parte de su pai y que lo día de l'asasinato su pai li heba dito que tornaría en ixe momento a violar-lo una vegada mas antes de que marche ta estar en a universidat. Con ixe trestimonio y con as nuevas declaracions d'os testigos (mas que mas una azafata) a qui presiona ta que reconoixcan que han amagau cosas, consigue la declaración d'inocencia de Mike y en consecuencia la suya libertat. Tanimientres, encara falta una charrada entre Mike y Richard, que desembrumará la realidat d'os feitos y que no coincide masiau con a versión que s'ha presentau en o chudicio.
A cinta s'ambienta en a suya epoca actual (2016) en Nueva Orleans (Loisiana) y las suyas escenas se filmoron en Chalmette y atras localizacions en Loisiana. Localizacions de The Whole Truth en Internet Movie Database.
Se tracta d'una cinta que ha recibiu bella nominación a bel premio, pero no a garra premio cinematografico d'os mas conoixius u destacaus.
Elenco The Whole Truth en Internet Movie Database. Actor Papel Notas ''''
Se veiga tamién Cine en 2016. Cintas de 2016.
Referencias
Vinclos externos The Whole Truth en Internet Movie Database. The Whole Truth en Rotten Tomatoes.
Categoría:Cintas ambientadas en Nueva Orleans Categoría:Cintas ambientadas en 2016 Categoría:Cintas con banda sonora orichinal d'Evgueni Galperine Categoría:Cintas con banda sonora orichinal de Sacha Galperine Categoría:Cintas con dirección de fotografía de Jules O'Loughlin Categoría:Cintas con guión de Nicholas Kazan Categoría:Cintas con montache de Kate Williams Categoría:Cintas de cine de chudicios Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Courtney Hunt Categoría:Cintas en anglés Categoría:Cintas interpretadas por Christopher Berry Categoría:Cintas interpretadas por Dana Gourrier Categoría:Cintas interpretadas por Gabriel Basso Categoría:Cintas interpretadas por Gugu Mbatha-Raw Categoría:Cintas interpretadas por Jim Belushi Categoría:Cintas interpretadas por Jim Klock Categoría:Cintas interpretadas por Keanu Reeves Categoría:Cintas interpretadas por Renée Zellweger Categoría:Cintas interpretadas por Sean Bridgers Categoría:Cintas producidas por Anthony Bregman Categoría:Cintas producidas por Elon Dershowitz Categoría:Cintas producidas por Kevin Frakes Categoría:Cintas producidas por Raj Brinder Singh Categoría:Cintas rodadas en Chalmette Categoría:Cintas rodadas en Loisiana